Kigali

Cameroon yagaragaje urwego rwo hejuru cyane mu mukino wa mbere mu gihe Ghana yo yahagamwe n’umusaza

Imyidagaduro   Yanditswe na: Dusingizimana Remy 26 June 2019 Yasuwe: 1979

Ikipe ya Cameroon ifite igikombe cy’Afrika giheruka yatangiye icy’uyu mwaka igaragaza ko ishobora kucyisubiza kuko yatsinze biyoroheye ikipe ya Guinea Bissau mu gihe Ghana yananiwe gutsinda enin banganya ibitego 2-2.



Cameroon iri ku rwego rwo hejuru muri iki gikombe cya Afurika,yabanje kugorwa na Guinea Bissau yasaga nk’iziranye cyane,bituma igice cya mbere kirangira amakipe yombi anganya 0-0.

Cameroon itivunye cyane,yaje mu gice cya kabiri ishaka gutsinda biza kuyihira ku munota wa 66 ubwo Yaya Banana yatsindaga igitego n’umutwe ku mupira wari uvuye muri koloneri yatewe neza na Karl Toko Ekambi.

Guinea Bissau yahise icibwa intege n’iki gitego bituma Cameroon iyirusha cyane biyifasha guhita yinjiza igitego cya kabiri cyatsinzwe na Stephane Bahoken abifashijwemo n’uburangare bwa ba myugariro.

Cameroon ntiyabashije kwinjiza ibindi bitego gusa yakinaga nk’ikipe isobanukiwe iri rishanwa nubwo na Guinea Bissau yanyuzagamo igasatira.

Mu wundi mukino wo mu itsinda F,ikipe ya Ghana ntiyitwaye neza nkuko abakunzi bayo babyifuzaga,kuko yanganyije ibitego 2-2 na Benin ndetse ihabwa n’ikarita itukura yahawe myugariro John Boye.

Benin yafatwaga nk’insina ngufi muri iri tsinda,kugira ngo yereke abantu ko bayibeshyeho,yafunguye amazamu ku munota wa 2 ku gitego cyatsinzwe n’umwe mu bakinnyi bayo bakuze Mickael Pote gusa cyahise cyishyurwa ku munota wa 9 na Andre Ayew.

Benin yakomeje kwigaragaza nk’ikipe nziza gusa ntiyashajije kurangiza igice cya mbere ihagaze neza kuko ku munota wa 42 yatsinzwe igitego na Jordan Ayew.

Ghana yotswaga igitutu na Benin byatumye myugariro wayo John Boye ahabwa ikarita ya kabiri y’umuhondo yamuviriyemo itukura,asiga bagenzi be mu mazi abira,iri gusatirirwa bikomeye.

Benin yokeje igitutu cyinshi Ghana yari isigaranye abakinnyi 10, iyishyura igitego cyatsinzwe nanone na rutahizamu Mickael Pote w’imyaka 34 ku munota wa 63, wagoye cyane ubwugarizi bwa Ghana.

Benin yagombaga kuba yabonye ikindi gitego cy’intsinzi ariko ntiyabasha kubyaza amahirwe yose yabonye bitewe ahanini n’ubunararibonye buke bwayo.

Uyu munsi hari imikino 3 irimo uwa Nigeria na Guinea saa 16h30,Uganda na Zimbabwe barakina saa 19h00 mu gihe Misiri irakina na RD Congo saa 22h00 iri ku rwego rwo hasi cyane.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Urutonde ngarukakwezi FIFA rwasohotse ikipe y’igihugu cy’u Rwanda ’Amavubi’...

Urutonde ngarukakwezi rushyirwa hanze n’Ishyirahamwe ry’Umupira w’Amaguru ku...
21 February 2020 Yasuwe: 590 0

Umutoza Tony wa Mukura VS yahaye rugari abanyarwandakazi bifuza gukundana...

Umutoza wa Mukura VS,Tony Hernandez waraye yujuje imyaka 39 yagiranye...
20 February 2020 Yasuwe: 7095 0

Munyakazi Sadate yiyemeje kujyana mu nkiko umuyobozi wa SKOL wibasiye Rayon...

Umuyobozi wa Rayon Sports Munyakazi Sadate yatangaje ko agiye kujyana mu...
20 February 2020 Yasuwe: 7664 5

Umuyobozi wa SKOL yibasiye bikomeye ikipe ya Rayon Sports bafitanye...

Umuyobozi w’uruganda rwa SKOL witwa Ivan Wulffaert yumvikanye avuga amagambo...
20 February 2020 Yasuwe: 6056 3

Jose Mourinho yatsindiwe mu rugo muri Champions League bituma atangaza...

Umutoza wa Tottenham,Jose Mourinho yitwaye nabi mu rugo mu mukino ubanza wa...
20 February 2020 Yasuwe: 3402 0

FERWAFA yahaye igihe ntarengwa Rayon Sports n’andi makipe adafite abatoza...

Ishyirahamwe ry’umupira w’amaguru mu Rwanda,FERWAFA ryamenyesheje amakipe yo...
19 February 2020 Yasuwe: 4358 0