Kigali
startimes

Cristiano Ronaldo yakoze igikorwa kigayitse nyuma yo kongera gusimbuzwa hakiri kare n’umutoza Maurizio Sarri [AMAFOTO]

Imyidagaduro   Yanditswe na: Dusingizimana Remy 11 November 2019 Yasuwe: 5865

Rutahizamu Cristiano Ronaldo yatangiye guhangana n’umutoza Maurizio Sarri wongeye kumusimbuza mu kibuga mu mukino baraye bakinnyemo na AC Milan muri Serie A, bituma arakara yanga kujya ku ntebe y’abasimbura nyuma aza gufata imodoka ye ataha umukino utarangiye.


Sponsored Ad


Cristiano Ronaldo uri kugenda asubira inyuma kubera imyaka ye igeze kuri 34,yaraye akoze igikorwa kigayitse ubwo yasimbuzwaga ku munota wa 55 mu mukino wa shampiyona ikipe ye ya Juventus yaraye itsinzemo AC Milan igitego 1-0,aho yahise yinjira mu rwambariro ndetse biravugwa ko yatashye umukino utarangiye kubera uburakari.

Paulo Dybala wamusimbuye niwe watsinze igitego kimwe rukumbi Juventus yatsinze AC Milan bituma ikomeza kuyobora shampiyona imbere ya Inter Milan.

Ronaldo yagaragaje ko atishimiye iki cyemezo cy’umutoza we Maurizio Sarri niko gusohoka arakaye cyane ahita yerekeza mu rugo aho kujya ku ntebe y’abasimbura nkuko bigenda ku mukinnyi usimbuwe.

Ronaldo yazamuye ukuboko mu rwego rwo kwereka umutoza Sarri watangiye kumusimbuza uko yiboneye ko atishimye na gato.

Iyi n’inshuro ya kabiri Ronaldo asimbujwe yikurikiranya kuko mu mukino wa UEFA Champions uheruka kubahuza na Lokomotiv Moscow kuwa 3 w’icyumweru gishize nabwo yarasimbujwe biramurakaza.

Mu ijoro ryakeye nibwo Ronaldo yasimbujwe hakiri kare kuva yagera mu ikipe ya Juventus avuye muri Real Madrid mu mwaka ushize.

Nkuko ikinyamakuru Sky Italia cyabitangaje,Ronaldo yatashye mu rugo umukino utarangiye, nyuma yo gusimbuzwa na Sarri.Bamwe bemeza ko yari akwiriye gutanga umwanya cyane ko uwamusimbuye yahise atsinda igitego.

Maurizio Sarri yabwiye abanyamakuru ko uyu munya Portugal afite imvune ariyo mpamvu akomeje kumusimbuza hakiri kare ndetse avuga ko nta kibazo bafitanye.

Yagize ati “Twashimira Ronaldo kuba yiyemeje kubana natwe mu ijoro ryari ritoroshye.yakoze ibishoboka byose ngo akine ariko nabonye atameze neza mbona ko icyaba cyiza aruko twamusimbuza.Ni ibintu bisanzwe ko umukinnyi atishimira kuva mu kibuga cyane iyo yakoze ibishoboka byose ngo akigumemo.

Mu kwezi gushize yagize akabazo k’imvune ari mu myitozo kari gutuma umusaruro we utaba mwiza.Muri iyi minsi ntabwo ahagaze neza.Abakinnyi bose iyo basimbujwe barababara ariko byababaza umutoza kurushaho igihe abonye umukinnyi asimbuwe ntababare.”



Ronaldo yarakariye cyane Maurizio Sarri wamusimbuje

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Wayne Rooney yashinje Sir Alex Ferguson kubatsindisha ku mikino 2 ya nyuma...

Rutahizamu Wayne Rooney wamenyekanye cyane mu ikipe ya Manchester United...
4 August 2020 Yasuwe: 1868 0

Umugore wa Didier Drogba yatangaje amwe mu mabanga y’urugo rwabo

Umugore wa Didier Drogba witwa Lalla Diakité,ukomoka mu gihugu cya Mali mu...
4 August 2020 Yasuwe: 4599 0

Iker Casillas yasezeye ku mupira w’amaguru yubatsemo amateka...

Umunyezamu w’umunyabigwi,Iker Casillas Fernández wakoze amateka mu ikipe ya...
4 August 2020 Yasuwe: 966 0

Karekezi Olivier avuga ko atazaza gutoza Kiyovu Sports ikirimo umwuka...

Umutoza mushya wa Kiyovu Sports,Karekezi Olivier,yatangaje ko nubwo afite...
4 August 2020 Yasuwe: 1565 0

Danny Rose wa Tottenham arambiwe kubazwa n’abapolisi niba imodoka ye atari...

Danny Rose, myugariro w’ikipe ya Tottenham Hotspur yo muri Premier League...
4 August 2020 Yasuwe: 2798 0

Arsene Wenger yatangaje amakipe 2 aha amahirwe yo kwegukana UEFA Champions...

Uwahoze ari umutoza wa Arsenal,Arsene Wenger usigaye akundwa na benshi mu...
4 August 2020 Yasuwe: 2350 0