Kigali

Cristiano Ronaldo yatangiye gutera ibihombo ikipe ya Juventus

Imyidagaduro   Yanditswe na: Dusingizimana Remy 6 October 2018 Yasuwe: 4258

Rutahizamu Cristiano Ronaldo uri kuvugwa cyane mu bitangazamakuru kubera ibyaha ashinjwa n’umugore w’umunyamerika witwa Kathryn Mayorga ko yamufashe ku ngufu mu mwaka wa 2009,yatangiye guteza igihombo Juventus kuko imigabane yayo ku isoko yamanutseho 10 ku ijana nyuma y’aya makuru mabi yavuzwe ku mukinnyi wayo.



Kuri uyu wa Gatanu nibwo byatangajwe ko imigabane y’ikipe ya Juventus yamanutseho 10 ku ijana ku isoko, kubera ibi byaha Ronaldo ashinjwa byatumye benshi bamwamagana cyane ko yari umukunnyi ukunzwe.

Nubwo bimeze bityo,ikipe ya Juventus yasohoye itangazo rishyigikira uyu mugabo ku munsi w’ejo rivuga ko mu gihe gito bamaranye yagaragaje ubunyamwuga ndetse nta numwe umushidikanyaho.

Umutoza wa Juventus yavuze ko nyuma yo gusiba umukino wa Young Boys muri UEFA Champions League kubera ikarita yahawe kuri Valencia,Ronaldo agomba kubanza mu kibuga mu mukino iyi kipe irasura Udinese muri Serie A.

Polisi ya Las Vegas yatangaje ko igiye kongera gutangira iperereza kuri ibi byaha Ronaldo ashinjwa byo gufata ku ngufu uyu mugore Kathryn Mayorga.

Mayorga yavuze ko Cristiano yamufatiye ku ngufu mu bwiherero bwo muri hoteli ya Palms bari basohokeyemo muri Kamena 2009 ndetse nyuma akaza kumuha amafaranga yo kugira ngo abigire ibanga,ariko byamunaniye kuko yagerageje kwiyahura kenshi kubera aya amahano yakorewe.

Abaterankunga bakomeye bakorana na Cristiano Ronaldo barimo Nike na EA Sports batangaje ko bahangayikishijwe n’ibi byaha uyu mukinnyi ashinjwa ndetse bashobora guhagarika imikoranire naramuka ahamwe nabyo

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yafashije Argentina gutsinda Brazil bahora bahanganye

Lionel Messi yatsindiye ikipe y’igihugu ya Argentine igitego cya mbere kuva...
16 November 2019 Yasuwe: 1489 0

Habaye inama idasanzwe mu ikipe ya As Kigali hafatirwamo imyanzuro ikomeye...

Kubera ko kuva shampiyona yatangira ikipe y’abanyamujyi AS Kigali ikomeje...
16 November 2019 Yasuwe: 3157 0

Umukino warangiye Sadate umutima wenda kumuvamo –KNC

Perezida wa Gasogi United,Kakooza Nkuriza Charles ntiyemera ko Rayon Sports...
16 November 2019 Yasuwe: 4966 0

Rayon Sports yatangaje ibizaba bigize Gikundiro Stadium n’akayabo gakenewe...

Ubuyobozi bw’ikipe ya Rayon Sports burashaka gukabya inzozi zo kubaka stade...
16 November 2019 Yasuwe: 4978 0

Minisitiri mushya wa Siporo Munyangaju yabwiwe ikintu gikomeye asabwa...

Mu muhango wo guhererekanya ububasha hagati y’uwahoze ari minisitiri w’umuco...
16 November 2019 Yasuwe: 1628 0

Reba numero z’imyambaro mishya abakinnyi b’ikipe ya Rayon Sports bagiye...

Ku mugoroba wo kuri uyu wa Gatanu, habaye umuhango wiswe Rayon Sports Day,...
16 November 2019 Yasuwe: 2785 0