skol
Kigali
startimes

Gasogi United yahaye igihe ntarengwa Rayon Sports cyo kwishyura umukinnyi Manace Matatu

Imyidagaduro   Yanditswe na: Dusingizimana Remy 22 July 2020 Yasuwe: 1676

Ikipe ya Gasogi United yatangaje ko igihe yari yarahawe cyo kuba yishyuye umukinnyi Manace Matatu cyarangiye bityo mu gihe gito iramwisubiza ndetse bayisubize amafaranga yari yaramutanzeho.


Mu kiganiro umuyobozi wa Gasogi United,Kakoza Nkuriza Charles yahaye Radio 10 ku gicamunsi cyo kuri uyu wa Gatatu tariki ya 22 Nyakanga 2020,yavuze ko bagiye kwambura umukinnyi Manace Matatu ikipe ya Rayon Sports bitewe n’uko batigeze bamwishyura amafaranga bavuganye.

KNC yagize ati “Kugeza uyu munsi nta n’igiceri Rayon Sports irishyura Manace.Nta n’igiceri cya 10 yamuhaye.Ku munsi w’ejo umukinnyi yari ategereje amafaranga ngo bategereje umubitsi ariko ntayo yigeze abona.Birantangaza kumva y’uko basinyishije umukinnyi mushya bakamwishyura,ntibishyure amasezerano y’ideni.

Icya kabiri,hari amafaranga Rayon Sports yasigayemo Gasogi.Nibyo ku ikubitiro hari amafaranga Rayon Sports yishyuye Gasogi ibihumbi 5000 by’amadolari ya avansi.

Mu masezerano harimo ko ari Gasogi United n’umukinnyi bagomba kwishyurwa mu minsi 15 yarangiye ku munsi w’ejo.Ibyo rero tukabona ari ukwica amasezerano.Twandikiye Rayon Sports Email tunamenyesha na FERWAFA.Uyu munsi nimugoroba Rayon Sports iraza gusanga kuri konti yayo amafaranga yari yahaye Gasogi hanyuma Manace amasezerano ye abe asheshwe.”

KNC yavuze ko Rayon Sports yahawe integuza ariko kugeza uyu munsi uyu mukinnyi nta mafaranga arabona ndetse aracyaba mu nzu y’ikipe ya Gasogi United.

Manace yasinyiye Rayon Sports tariki ya 5 Nyakanga 2020, mu masezerano ye avuga 60%(miliyoni 6) zigomba gutwarwa na Gasogi United n’aho umukinnyi agatwara 40%(miliyoni 4).

Rayon Sports ikaba yarahise yishyura Gasogi United Miliyoni 4.810.000 iyisigaramo 1.190.000, iyi kipe kandi ntabwo yishyuye umukinnyi aho na we yamusigayemo miliyoni 4, aya mafaranga atarishyuwe bumvikanye ko agomba kwishyurwa mu minsi 15 ariko ntibyubahirijwe.

Umuvugizi wa Rayon Sports, Jean Paul Nkurunziza yabwiye ikinyamakuru ISIMBI ko Manace ari umukinnyi wa Rayon Sports nta kibazo kindi gihari.

Yagize ati“Manace ni umukinnyi wa Rayon Sports. Nta kibazo na kimwe gihari rwose.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Jose Mourinho yongeye kwibasira Arsene Wenger wanze kumwandika mu gitabo...

Umutoza wa Tottenham,Jose Mourinho,yatangaje ko atatunguwe n’uko mugenzi we...
19 October 2020 Yasuwe: 1066 0

Andrea Pirlo yibasiye abakinnyi be bananiwe gutsinda ikipe ikizamuka

Umutoza mushya wa Juventus,Andrea Pirlo yibasiye abakinnyi be bananiwe...
19 October 2020 Yasuwe: 950 0

Zinedine Zidane ari mu mazi abira kubera ikosa rikomeye ashinjwa...

Abayobozi batandukanye ba Real Madrid barakariye cyane umutoza wabo...
19 October 2020 Yasuwe: 3400 0

David Moyes yibasiye Jose Mourinho nyuma yo kumwishyura ibitego 3 mu minota...

Umutoza wa Westham,David Moyes,waraye wishyuye Tottenham ibitego 3 mu buryo...
19 October 2020 Yasuwe: 1886 1

Lionel Messi yamaze guhitamo ikipe azakinira mu mwaka w’imikino...

Kapiteni wa FC Barcelona,Lionel Messi,yamaze gufata umwanzuro wo kuva mu...
18 October 2020 Yasuwe: 4417 0

Cristiano Ronaldo yasabye Mayweather ko amuremera imodoka ihenze...

Rutahizamu Cristiano Ronaldo w’ikipe ya Juventus,yanditse asa n’utebya ko...
18 October 2020 Yasuwe: 3392 0