skol
Kigali
startimes

Kevin de Bruyne yatowe nk’umukinnyi w’umwaka muri Premier League

Imyidagaduro   Yanditswe na: Dusingizimana Remy 16 August 2020 Yasuwe: 3511

Umukinnyi wo hagati mu ikipe ya Manchester City,Kevin de Bruyne yatowe nk’umukinnyi w’umwaka muri Premier League atsinze abakinnyi 3 b’ikipe ya Liverpool barimo Jordan Henderson, Sadio Mane na Trent Alexander-Arnold bari bahanganye.


Nyuma y’aho benshi mu bakunzi ba ruhago ku isi banenze ihuriro ry’abanyamakuru bandika mu Bwongereza batoye Jordan Henderson nk’umukinnyi w’umwaka,abatora umukinnyi mwiza muri Premier League batoye Kevin de Bruyne.

Abakinnyi bari bahataniye iki gikombe barimo Jordan Henderson, Sadio Mane, Trent Alexander-Arnold,Danny Ings, Nick Pope na Jamie Vardy.

De Bruyne niwe mukinnyi wa Manchester City wenyine wari mu batorwa ariko yatsinze abakinnyi biganjemo aba Liverpool batwaye igikombe cya shampiyona.

Kuva De Bruyne yagera muri City muri 2015,yabaye umukinnyi ngenderwaho ndetse ntawe ushidikanya ko ubuhanga bwe aribwo bwahesheje Manchester City shampiyona 2 ziheruka n’ibindi bikombe binyuranye.

Umwaka w’imikino ushize wabaye igitangaza kuri uyu mugabo kuko yakoze agahigo ko gutanga imipira ivamo ibitego 20 anganya na Thierry Henry wari ugafite.Yatsinze kandi ibitego 13 bifasha City kuba ikipe yatsinze ibitego byinshi kurusha andi makipe yose ku nshuro ya 3 yikurikiranya.

Myugariro wa Liverpool,Alexander-Arnold niwe watowe nk’umukinnyi muto wahize abandi mu gihe umutoza w’umwaka yabaye Jurgen Klopp wahesheje igikombe cya shampiyona Liverpool yari imaze imyaka 30 idakoraho.

Klopp yatsinze abatoza barimo Frank Lampard wa Chelsea,Chris Wilder wa Sheffield United na Brendan Rodgers wa Leicester.

Mu minsi ishize nibwo umutoza Pep Guardiola yavuze ko ibi bihembo by’umukinnyi w’umwaka bibamo uburiganya kuko nta mukinnyi wa City ugitwara ariko kuri iyinshuro byahindutse de Bruyne aracyegukana.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Mohamed Salah yahishuye umukinnyi wa Liverpool watumye arira kubera...

Rutahizamu Mohamed Salah ukinira Liverpool yatangaje ko kuva yagera muri...
16 January 2021 Yasuwe: 2849 0

Cristiano Ronaldo yaciye amarenga y’undi mwuga yashobora mu mashusho...

Rutahizamu Cristiano umaze imyaka isaga 15 ari hejuru mu mupira w’amaguru...
16 January 2021 Yasuwe: 3314 0

Umugore wa Lionel Messi yinjiye mu mukino w’iteramakofe [AMAFOTO]

Umugore wa Lionel Messi witwa Antonela Roccuzzo yashyize hanze amashusho...
16 January 2021 Yasuwe: 3611 0

Wayne Rooney wubatse izina mu Bwongereza yagizwe umutoza mukuru wa Derby...

Umwongereza Wayne Rooney wamamaye mu mupira w’amaguru akinira ikipe ya...
15 January 2021 Yasuwe: 4188 0

Tour du Rwanda yari iteganyijwe muri Gashyantare 2021 yimuriwe muri...

Ubuyobozi bw’ishyirahamwe ry’umukino wo gusiganwa ku magare mu Rwanda...
15 January 2021 Yasuwe: 2737 0

Cristiano Ronaldo ahembwa umushahara uruta uwo amakipe 4 yo muri Serie A...

Kizigenza Cristiano Ronaldo ukinira ikipe ya Juventus uhembwa amafaranga...
15 January 2021 Yasuwe: 4590 0