Umunyezamu Kwizera Olivier yandikiye ikipe ya Gasogi United yahoze akinira, ayisaba kumwishyura bitarenze amasaha 48 miliyoni 99Frw, muri miliyoni 100 yari yamwemereye, bitaba ibyo akishakira indi kipe.

Sponsored Ad

Ibi uyu munyezamu yabikoze nyuma y’amasaha make bimenyekanye ko yamaze gusinyira ikipe ya Rayon Sports amasezerano y’umwaka umwe.

Kwizera wasinyiye Gasogi United kuyikinira mu kwezi kwa mbere,yandikiye iyi kipe bivugwa ko yongereye amasezerano ko igomba kumwishyura miliyoni 99 FRW imurimo bitaba ibyo agashaka ahandi yerekeza cyane ko ngo muri miliyoni 100 FRW bamwemereye bamwishyuye miliyoni 1 FRW.

Yagize ati “Nkuko twabyumvikanye,twemeranyije ko nzishyurwa na Gasogi United amafaranga miliyoni 100 FRW ya recrutement kugira ngo mbakinire saison ya 2020/2021,mukaba mwaranyishyuye miliyoni imwe mu gihe cya Covid-19 akaba ariyo mpamvu mbandikiye mbasaba ko mwanyishyura miliyoni 99 asigaye ngo dusinye amasezerano.

Ku munsi w’ejo nibwo uyu munyezamu wakiniraga Gasogi United byavuzwe ko yahawe akayabo ka miliyoni 7 FRW asinyira Rayon Sports umwaka umwe.

Umutoza wa Gasogi United yemeje ko Kwizera Olivier yabasinyiye amasezerano ndetse ko hari ibihamya birimo amajwi afite bigaragaza ukuri.