Rutahizamu wa FC Barcelona,Lionel Messi yayifashije kunyagirira Sevilla FC ibitego 4-2 ku kibuga cyayo,mu mukino yatsinzemo ibitego 3 ndetse akoreramo agahigo gakomeye.

Sponsored Ad

Lionel Messi yatumye benshi bemeza ko ari umwami wa ruhago kuko yatsinze ibitego 3 mu mukino umwe ku nshuro ya 50.

FC Barcelona imaze gutsinda ibitego 65 muri shampiyona y’uyu mwaka birimo 25 bya Lionel Messi usanzwe ari na kapiteni wayo.

Lionel Messi yibasira bikomeye Sevilla FC,kuko mu mikino 35 amaze guhura nayo yayitsinze ibitego 36 wenyine.

Lionel Messi yatabaye FC Barcelona kuko yatsinzwe ibitego 2-1 hakiri kare na Sevilla yatsindiwe na Jesus Mercado na Gabriel Mercado,bituma afata umwanzuro ku munota wa 67 yishyura iki gitego,kuwa 83 atsinda ikindi gitego hanyuma Suarez ashyiramo agashinguracumu.