Kigali

Lionel Messi yamaganye umuyobozi we Eric Abidal waherukaga kumwibasira we na bagenzi be

Imyidagaduro   Yanditswe na: Dusingizimana Remy 5 February 2020 Yasuwe: 2368

Lionel Messi yanenze Eric Abidal, umuyozi ushinzwe imikino muri Barcelona, wavuze ko abakinnyi batitangaga ubwo Ernesto Valverde yatozaga iyo kipe mbere y’uko yirukanwa agasimbuzwa Quique Setien.



Abidal yavuze ayo magambo mu kiganiro yagiranye n’ikinyamakuru Diario Sport cy’aho muri Espanye.

Uwo Mufaransa w’imyaka 40 wakinanye na Messi nka myugariro hagati ya 2007 na 2013, nyuma yaje gusubira muri Barcelona mu kwa gatandatu muri 2018 nk’ushinzwe imikino, nyuma yaho yari amaze gusezera ku mupira w’amaguru nk’umukinnyi.

Ariko ku munsi w’ejo ku wa kabiri, Messi w’imyaka 32 y’amavuko yasubije ati:



"Iyo uvuze ku bakinnyi, ugomba gutanga amazina [y’abo uri kuvuga] kuko iyo bitabaye ibyo, bituma bisa nkaho ibyo uvuga atari ukuri".

Valverde yirukanwe ubwo Barcelona yari iyoboye urutonde rw’agateganyo rwa shampiyona ya La Liga.

Muri icyo kiganiro n’ikinyamakuru Diario Sport, Abidal yagize ati:



"Abakinnyi benshi ntabwo bari banyuzwe cyangwa ntabwo bitangaga ndetse hari n’ikibazo imbere cyo kuvugana n’abakinnyi".

"Umubano hagati y’umutoza n’abakinnyi wamye iteka ari mwiza, ariko hari ibintu nabonaga nk’uwahoze ndi umukinnyi. Nabwiye ubuyobozi bw’ikipe icyo ntekereza nuko tugera ku mwanzuro [kuri Valverde]".

Messi watsindiye igihembo cy’umukinnyi uhiga abandi ku isi cya Ballon d’Or inshuro esheshatu, yasubije Abidal mu butumwa yatangaje ku rubuga rwa Instagram, yandika agira ati:

"Mu by’ukuri, sinkunda kujya muri ibi, ariko ntekereza ko abantu bakwiye kwemera kubazwa ibijyanye n’akazi kabo kandi bakirengera ibyemezo bafashe".

"Abakinnyi [ni bo bo kubazwa] ibibera mu kibuga kandi tuba aba mbere mu kubyemera iyo tutitwaye neza. Abakuru b’urwego rw’imikino bagomba kwemera kubazwa ibijyanye n’inshingano zabo na bo kandi ikibisumba byose bakirengera ibyemezo bafashe".

Muri icyo kiganiro yagiranye n’ikinyamakuru Diario Sport, Abidal yanavuze ko Messi yishimiye kuba mu ikipe ya Barcelona kandi ko andi masezerano mashya kuri uyu rutahizamu ukomoka muri Argentine ari kwigwaho muri iki gihe.


Messi yanenze Abidal wabashinje kwirukanisha Valverde

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Xavi yatangaje undi mukinnyi bakinannye ashyira ku rwego rumwe na Lionel...

Kabuhariwe Xavi Hernandez wahoze akinira ikipe ya FC Barcelona yavuze ko...
6 April 2020 Yasuwe: 2997 0

Umukinnyi wa Manchester City ari mu mazi abira kubera gukora ikirori...

Mu Bwongereza no mu bindi bihugu bitandukanye byo ku isi abantu bose...
5 April 2020 Yasuwe: 6942 1

Amb. Nduhungirehe yasubije perezida wa Rayon Sports wasabye Leta guhemba...

Amb. Nduhungirehe Olivier, Umunyamabanga wa Leta muri Minisiteri y’Ububanyi...
5 April 2020 Yasuwe: 5864 3

UEFA yafashe icyemezo ndakuka kuri Champions League na Europa League...

Ishyirahamwe ry’umupira w’amaguru I burayi “UEFA”ryamaze gufata umwanzuro...
5 April 2020 Yasuwe: 6519 0

Xavi wamamaye muri FC Barcelona yatanze akayabo k’amadolari yo gufasha uyu...

Xavi Hernandez wamenyekanye cyane mu ikipe ya Barcelona n’umugore we Nuria...
4 April 2020 Yasuwe: 1756 0

Perezida wa Rayon Sports yasabye ikintu gikomeye Leta nyuma y’ubutumwa...

Perezida wa Rayon Sports Munyakazi Sadate yashimiye Minisitiri wa siporo...
4 April 2020 Yasuwe: 4701 0