Kigali

Maria Sharapova yishimiye guhura na Perezida Kagame anirahira u Rwanda

Imyidagaduro   Yanditswe na: Dusingizimana Remy 14 November 2019 Yasuwe: 1890

Umurusiyakazi Maria Sharapova ukundwa na benshi mu mukino wa Tennis,yishimiye guhura na Nyakubahwa perezida wa Repubulika,Paul Kahame ndetse ashimira abanyarwanda muri rusange.



Uyu mukinnyi watwaye ibikombe bikomeye muri Tennis 5[Grand Slams],yagiriye uruzinduko mu Rwanda guhera ku Cyumweru,atemberezwa pariki y’ibirunga kuwa Gatatu,yirebera ingagi.

Abinyujije kuri Twitter ye,Sharapova yatangaje ko yishimiye guhura na perezida w’u Rwanda,Paul Kagame, ukunda siporo cyane ndetse akaba n’umukinnyi wa Tennis utarabigize umwuga.

Yagize ati "Ni iby’agaciro guhura nawe perezida Kagame no kumarana igihe n’umuryango wawe.Rwanda urihariye!."

Maria Sharapova w’imyaka 32,yabaye umukinnyi wa Tennis guhera muri 2001,azamuka mu kiragano kimwe n’ibyamamare nka Serena Williams n’umuvandimwe we Venus,Marion Bartoli,n’abandi.

Mu myaka ye ya mbere,yari umukinnyi ukanganye cyane bituma atwara ibikombe bikomeye muri Tennis nubwo uko yagendaga akura yagowe bikomeye n’umunyabigwi Serena Williams wamutsinze kakahava.

Sharapova yabaye nimero ya mbere ku isi muri Tennis bwa mbere mu mwaka wa 2005 ndetse yamaze ibyumweru 21 ari nimero ya mbere. Ni we Murusiyakazi wa mbere wageze kuri uru rwego.

Yatwaye Grand slams 5 zirimo; Roland Garros ebyiri,Australian Open, Wimbledon na US Open. Yatwaye ibikombe byose hamwe muri Tennis 36 ndetse kugeza ubu amaze kwinjiza miliyoni zisaga 38 mu marushanwa ya Tennis.

Muri iyi minsi Sharapova ntabwo akiri umukinnyi wa Tennis wabarirwa mu beza cyane kuko muri 2016 yahagaritswe amezi 15 kubera gukoresha imiti yongera imbaraga agaruka atari ku rwego rwo hejuru ariyo mpamvu kuri ubu ari nimero 132 ku isi ku rutonde ruheruka gusohoka kuwa Mbere.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 2150 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 2844 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1497 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 1940 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5401 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4675 0