Kigali
startimes

Mukura VS yambuye igikombe cy’Agaciro Rayon Sports mu mukino wafatiwemo ibyemezo bikarishye

Imyidagaduro   Yanditswe na: Dusingizimana Remy 15 September 2019 Yasuwe: 5684

Ikipe ya Mukura VS yambuye igikombe cy’Agaciro Rayon Sports yari imaze imyaka 2 yikurikiranya igitwara,iyitsinda ibitego 2-1 mu mukino wa nyuma wafatiwemo ibyemezo bikarishye birimo penaliti 2 ndetse n’amakarita 2 y’umutuku byose ku mpande zombi.



Umusifuzi Uwikunda Samuel yafashe ibyemezo bikarishye muri uyu mukino kuko ku munota wa 50 yahayahaye Mukura VS penaliti nyuma y’aho myugariro Saidi Iragire yakoze umupira n’intoki.Rutahizamu Samuel Nwosu Chukwudi yinjiijemo Penaliti neza.

Rayon Sports yaje guhita ikora ikosa rikomeye ubwo yananirwaga guhagarika rutahizamu Ndizeye Innocent uzwi nka Kigeme wacenze ba myugariro bose ba Rayon Sports atsinda igitego cya kabiri ku munota wa 53.

Rayon Sports yaje muri uyu mukino isa n’ifite icyizere kiri hejuru,yatunguwe n’ubuhanga bw’abakinyi bo hagati ba Mukura VS barimo Ntwari Evode na Tuyishimire Eric uzwi nka Congolais,babagoye cyane.

Rayon sports yabonye igitego rukumbi yatsinze muri uyu mukino ku munota wa 60 kuri penaliti yatewe neza na Micheal Sarpong nyuma y’aho Ngirimana Alex yakoze umupira n’ukuboko mu rubuga rw’amahina.

Ku munota wa 70 w’umukino, kapiteni wa Rayon Sports,Rutanga Eric, yahawe ikarita itukura igayitse,ubwo yasagariraga umusifuzi wo ku ruhande amuhoye ko atanze koloneri.

Mukura VS nayo yahise ihabwa ikarita y’umutuku ku munota wa 77, ubwo rutahizamu wayo Ndizeye Innocent yakoreraga ikosa kuri Nshimiyimana Imran,ahabwa ikarita ya kabiri y’umuhondo.

Nyuma y’iminota 90,umusifuzi yongeyeho iminota 7 yateye impungenge umutoza Mathurin Ovambe gusa abakinnyi be babashije kwihagararaho batwara igikombe cy’Agaciro 2019 na miliyoni 3 FRW.

Uko ibihembo byatanzwe n’abakinnyi bitwaye neza:

Mukura Victory Sports yahawe miliyoni eshatu n’igikombe, Rayon Sports ihabwa miliyoni 1,500,000 Frw.

Police FC yatsinze APR FC igitego 1-0 cya Iyabivuze Osée ku mwanya wa gatatu, yahawe ibihumbi 500 Frw.

Umukinnyi w’irushanwa yabaye Munyakazi Youssuf ‘Lule’ ukina hagati muri Police FC.

Uwatsinze ibitego byinshi yabaye Samuel Chukwudi Nwosu wa Mukura Victory Sports, watsinze ibitego bibiri.


Mukura niyo yatwaye Agaciro Tournament 2019

Amafoto:IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Amb.Joe Habineza wabaye Minisitiri w’Umuco na Siporo agiye kwinjira mu...

Uwahoze ari Minisitiri w’Umuco na siporo anaba Ambasaderi w’u Rwanda muri...
15 July 2020 Yasuwe: 934 0

Biravugwa ko Kiyovu Sports nayo yaguze Bisi y’akataraboneka yo gutwara...

Mu gitondo cyo kuri uyu wa Gatatu tariki ya 15 Nyakanga 2020,hagiye hanze...
15 July 2020 Yasuwe: 1668 0

Munyakazi Sadate yahaye ubutumwa bukomeye abamwigometseho mu kwizihiza...

Umuyobozi wa Rayon Sports,Munyakazi Sadate,yatanze ubutumwa burebure kuri...
14 July 2020 Yasuwe: 3692 1

Reba urutonde rw’abakinnyi 25 beza ba FC Barcelona b’ibihe byose bayobowe na...

Abafana n’abaterankunga b’ikipe ya FC Barcelona batoye umukinnyi mwiza...
14 July 2020 Yasuwe: 2094 0

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 327 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 3107 0