Kigali
startimes

N’golo Kante arashinjwa ubwambuzi n’uwahoze ahagarariye inyungu ze

Imyidagaduro   Yanditswe na: Dusingizimana Remy 15 February 2020 Yasuwe: 2878

Umukinnyi N’Golo Kante ukundwa na benshi kubera ukuntu yicisha bugufi cyane kandi ari umukire ndetse ari n’umuhanga mu mupira w’amaguru arashinjwa ubwambuzi bwa miliyoni 3 z’amapawundi n’uwahoze amuhagarariye mu gucuruza isura ye, bwana Nouari Khiari.



Uyu mugabo yajyanye Kante mu nkiko amushinja ko hari miliyoni 3 z’amapawundi amurimo yanze kumuha zituruka ku bijyanye n’akazi yamukoreye ko gucuruza isura ye [Image right].

Nouari Khiari avuga ko nyuma yo kumwirukana atamuhaye aya mafaranga yamugombaga ahubwo yamuhaye udufaranga tw’intica ntikize aratwanga.

N’Golo Kante ashinja Khiari kutaba umunyamwuga byatumye amutakariza icyizere ndetse ngo uyu mugabo yakoraga ibintu bitemewe n’amategeko agenga uhagarariye umukinnyi.

N’Golo Kante ngo yarakajwe na serivisi mbi yahabwaga na Khiari bituma amuha ibihumbi 125,000 by’amapawundi ndetse ngo nyuma amwongera ibindi 250,000 ngo batandukane ku neza arabyanga.Kante ashinja Khiari kumwotsa igitutu kugira ngo abone amafaranga menshi.

Khiari yabwiye l’Equipe ati “Ubwiyunge bwaratangiye ariko nahise mbona ntangiye gufatwa nk’utazi ibyo ndimo.Mu Ugushyingo umwaka ushize,Kante yasinyanye amasezerano na Adidas yashakaga kumuha miliyoni zingana n’iza Paul Pogba.

Yasinye imyaka 5 ingana na miliyoni 15 z’amayero.Igihembo cyanjye cyari miliyoni 3 n’ibihumbi 700 by’amayero [3 miliyoni z’amapawundi].Ubwo negeraga umunyamategeko wa Kante, Nadia Zrari, nahawe ibihumbi 50,000 by’amayero gusa ngo turangize amasezerano dufitanye.Naratunguwe,nahawe ibihumbi 125 by’amapawundi hanyuma mpabwa andi 250 nyuma.

Narayanze kuko ngomba guhabwa akubye inshuro 10 ayo nahawe.Wenda ntacyo bumva bandimo ariko nkwiriye guhembwa amafaranga nkwiriye.”

Uyu Khiari yavuze ko uhagarariye Kante ubu Abdelkarim Douis aherutse kumubwira ko azamwica mu Ukuboza umwaka ushize.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 1184 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 1858 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 1118 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 1862 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4359 1

Cristiano Ronaldo ashobora guhura na Real Madrid muri 1/4 cya UEFA...

Uyu munsi habaye tombola ya 1/4 cya UEFA Champions League yarangiye amakipe...
10 July 2020 Yasuwe: 1690 0