addresiya
Kigali
startimes

Nizeyimana Olivier wari inkingi ikomeye ya Mukura VS yeguye ku mirimo yo kuyiyobora

Imyidagaduro   Yanditswe na: Dusingizimana Remy 12 May 2020 Yasuwe: 1023

Ubuyobozi bwa Mukura VS bwemeje ko bwakiriye ibaruwa ya perezida wayo Nizeyimana Olivier isaba kwegura ku mirimo ye yari amazeho imyaka umunani adasimburwa.



Mu ijoro ryo kuri uyu wa Kabiri tariki ya 12 Gicurasi 2020, nibwo Umuyobozi wa Mukura Victory Sports, Olivier Nizeyimana, yeguye ku mirimo ye nyuma y’imyaka 8 ari Perezida Wayo.

Ibinyujije ku rubuga rwa Twitter,Mukura VS yagize iti "Kuri uyu mugoroba, komite nyobozi ya Mukura Vs n’ubuyobozi bw’akarere ka Huye bakiriye ubwegure bwa Nizeyimana Olivier wari prezida wa Mukura VS weguye ku mpamvu ze bwite.

Ubu bwegure buzagezwa ku nteko rusange ishobora kubwemeza cyangwa ikabuhakana.

Ku ngoma ye,Mukura VS yabashije kongera gutwara igikombe cy’igihugu nyuma y’imyaka 26 itabigeraho ubwo yatsindaga Rayon Sports kuri penaliti muri 2018.

Olivier yari afatiye runini iyi kipe,kuko niwe wagenaga ubuzima bwa buri munsi bwayo ku buryo byageze naho bigora kumutandukanya nayo.

Uyu mwaka Mukura VS yahuye n’ibibazo bikomeye by’amikoro, byayiviriyemo ko kugeza ubu imaze amezi 7 idahemba abakinnyi.

Iyi kipe iterwa inkunga n’akarere ka Huye na Kompanyi itwara abagenzi ya Volcano Express ya Olivier Nizeyimana,iheruka guhemba mu Ukwakira 2019.

Abakinnyi b’abanyamahanga bakinira iyi kipe batangaje ko biteguye kwandikira Federasiyo zabo ngo zibe zabishyuriza kubera ko ubuzima bari kubaho mu Rwanda bumeze nabi kandi barazanywe bizeza kuzahembwa neza.

Amakuru avuga ko Olivier Nizeyimana atigeze yishimira uburyo akarere ka Huye ndetse n’abandi bantu muri iyi kipe bagiye bafata ibyemezo byasubizaga Mukura VS inyuma.

Aha harimo ko inkunga yemeye gutanga yayitangiraga ku gihe mu gihe akarere kakomezaga guseta ibirenge mu gutanga iyako bikarangira izina rye ari ryo rihangirikiye.

Kuwa Gatandatu tariki 24 Kanama 2019 mu Mujyi wa Huye,nibwo Nizeyimana Olivier wari usanzwe ayobora Mukura VS yongeye gutorerwa kuyobora iyi kipe.

Abanyamuryango 82 bari bitabiriye inteko rusange uwo munsi bose baramutoye, bemeza ko akomeza kubayobora indi myaka 4, isanga indi 8 yari amaze ari umuyobozi wayo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble BAJYANAMA

    Olivier, sigaho kwegura. Sinzi niba haba hari umuntu wabikugiriyemo inama cyangwa ari byavuye kuri wowe ubwawe. Ndabizi ikipe iravuna. Byose ni umuhamagaro , ni ukwitanga. Sinkuzi, na Mukura nyiheruka cyera cyane, ubanza nawe Olivier wari ukiri umwana, cg utaravuka. Muri za 81; Ariko nayoboye ikipe. Ndabizi. Mubuzima hari ibintu bigira umuntu UMUNTU; Hari ugukora ukagera kuntego, hari ukubaho mu buzima bwitwa ubwawe bwite, ariko ukanaba mugari, ntiwereba, ukagira ibikorwa utanafitemo inyungu, ariko bifitiye abandi akamaro. Ni ukaba igihugu. Ibyo rero biraguherekeza mu bizima bwawe. Bikakugira uwuriwe. Iyo hagize ubona Olivier, hari indorerwamo amubonamo. Bitandukanye n’uko wenda babonaga MAHENGA. Komite niyegere AKARERE, n’abandi baterankunga, maze bige ukuntu buri wese icyo yemeye agikora kandi ku gihe. Birababaza kugira ikipe , maze ukabona abakinnyi babayeho nabi kandi wowe ntako utagira. Bigatuma uhangayika kandi ubundi nawe wagakoze nk’abandi, ukigira mubyawe, ibibazo ukabigabanya. Ariko mureke GUSENYA. AKARERE N’abandi bisubireho, mwubake ikipe. Ni ishyaka rya BUTARE YOSE UKO YAKABAYE. MUSIGEHO RWOSE.

    2 weeks ago

Inzindi nkuru

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 4592 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 6411 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3958 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2221 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1930 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3397 4