Rutahizamu wa Manchester United, Odion Ighalo ntazajyana mu myitozo n’iyi kipe ye nshya muri muri Espanye kuko itinya ko ashobora kwangirwa gusubira mu Bwongereza kubera ubwoba bw’uko yavuye mu gihugu kirimo Coronavirus.

Sponsored Ad

Uyu mukinyi w’umunya Nijeriya w’imyaka 30 yageze mu mujyi wa Manchester mu cyumweru gishize avuye mu Bushinwa ahatangiriye icyorezo cya Coronavirus nyuma yo gushyira umukono ku masezerano yo gutizwa amezi 6 avuye muri Shanghai Shenhua.

Umutoza Ole Gunnar Solskjaer wa Man United yabwiye televiziyo ya MUTV ati: "Byari byiza ko nawe ajyana n’abandi bakinnyi kugira ngo ashobore kumenyerana nabo.Ariko kubera amategeko akomeye y’uruyja n’uruza ku mipaka, ntidushaka kwica amategeko".

Hagati aho, abakinyi Scott McTominay wo hagati na Axel Tuanzebe w’inyuma bamaze igihe badakandgira mu kibuga kubera imvune, bazajyana n’abandi.

Man United ntizaba iri mu Bwongereza kugeza ku wa gatanu aho igiye kwitegura guhangana na Chelsea mu mukino wa Shampiyona uzabera I Stamford Bridge ku wa mbere taliki 17 z’ukwa kabiri, saa yine z’ijoro.

Inkuru ya BBC