Kigali

Perezida Sadate yahaye ubutumwa bukomeye abakinnyi ba Rayon Sports mbere yo gucakirana na Al Hilal

Imyidagaduro   Yanditswe na: Dusingizimana Remy 4 August 2019 Yasuwe: 3978

Umuyobozi wa Rayon Sports,Munyakazi Sadate yabwiye abakinnyi ko gushyira hamwe aribyo bizatuma basezerera Al Hilal mu mikino ya CAF Champions League ariko abasaba kuzasigasira igikombe cya shampiyona batwaye.



Perezida wa Rayon Sports yabwiye abakinnyi ko bihaye intego yo kugera muri ¼ cya CAF Champions League uyu mwaka ariyo mpamvu bagomba gukuramo Al Hilal Omdurman ndetse ababwira ko nihabaho ubufatanye, nta kabuza abafana bazaririmba Murera.

Yagize ati “Ndagira ngo mwumve ko imigongo yanyu ihetse ibyishimo by’abanyarwanda benshi.Twagize amahirwe dukora imyiteguro ihagije.Aka kanya ndashaka ko dufata umuhigo,tugiye mu mikino nyafurika.Muri aya marushanwa ntabwo Rayon Sports ijya itaha uko bibonetse kose,amateka yarubatswe ntabwo nayasubiramo.Icyo nabasaba,mureke dufatanyirize hamwe aya marushanwa tuyitwaremo neza kurusha uko abantu babitekereza.

Nidushyira hamwe, ndababwiza ukuri kw’Imana ko tuzatsinda Al Hilal, amateka akisubiramo tukongera tukayitsinda ibitego 4 nkuko byagenze muri 1994. Aka kanya nabwo birashoboka ko twayitsinda 4, tukayiha 4G. Nimushyira hamwe nk’abakinnyi, mukiyumvamo ubushobozi, umurava n’ishyaka, uriya mwarabu (Al Hilal) turamutapfunira kuri Regional, impundu n’ibyishimo bitahe mu banyarwanda, mu gihugu cyose.Ndabisabiye nk’inshuti n’abavandimwe mureke twandike andi mateka."

Mu muhango wo kwishimira igikombe cya Shampiyona Rayon Sports iheruka kwegukana waraye ubereye Kimironko,Sadate yibukije abakinnyi ba Rayon Sports ko nubwo we nabo ari bashya bakwiriye gukora ibitangaza cyane ko ntacyo barereka abafana ba Rayon Sports.

Rayon Sports izakira Al Hilal mu ijonjora rya mbere rya CAF Champions League, aho umukino ubanza uzabera i Kigali ku Cyumweru tariki 11 Kanama 2019 mu gihe uwo kwishyura uzabera i Khartoum muri Sudani mu byumweru 2 bizakurikiraho.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Jerome

    Uku niko kuri ababasore nibashyiramo ubushake nukuba umwe uriya mwarabu tuzamutaphuna pe kdi natwe abakunzi bagikundiro tuzaba twabukereye cyane

    4 months ago

Inzindi nkuru

Imikino y’umunsi wa 14 wa shampiyona y’u Rwanda irakomeje,reba abakinnyi...

Shampiyona y’ u Rwanda mu mupira w’amaguru irakomeza kuri uyu wa gatandatu...
11 December 2019 Yasuwe: 2150 0

Sergio Ramos yasabye ikintu gitangaje abategura ibihembo bya Ballon...

Kapiteni wa Real Madrid, Sergio Ramos,yavuze ko Cristiano Ronaldo na Lionel...
11 December 2019 Yasuwe: 2844 0

Carlo Ancelotti yirukanwe ku kazi nyuma y’amasaha make afashije Napoli...

Umutoza w’umunyabigwi I Burayi,Carlo Ancelotti yirukanwe ku kazi nyuma...
11 December 2019 Yasuwe: 1497 0

UCL: Liverpool yasimbutse umutego ukomeye yari yatezwe mu gihe Inter Milan...

Ikipe ya Inter Milan na Ajax zahabwaga amahirwe yo kugera muri 1/16 cya...
11 December 2019 Yasuwe: 1940 0

Umuhungu wa Cristiano Ronaldo yongeye kuvugwa cyane kubera ibyo yakoreye...

Umuhungu wa Cristiano Ronaldo,Cristiano Jr,yongeye kugaruka mu binyamakuru...
10 December 2019 Yasuwe: 5401 1

Biravugwa:Rutanga Eric mu nzira zo gutandukana n’ikipe ya Rayon...

Rutanga Eric ukina yugarira aca ku mpande akaba na kapiteni wa Rayon Sports...
10 December 2019 Yasuwe: 4675 0