addresiya
Kigali
startimes

Perezida Trump yahaye igihe ntarengwa OMS cyo gukora impinduka cyangwa US ikayivamo

Imyidagaduro   Yanditswe na: Dusingizimana Remy 19 May 2020 Yasuwe: 1430

Perezida Donald Trump yandikiye ibaruwa ukuriye ishami rya ONU rishinzwe ubuzima ku isi OMS/WHO amumenyesha ko Amerika ishobora guhagarika burundui inkunga yayo kubera Covid-19.



Iyi baruwa iraha OMS igihe ntarengwa cy’iminsi 30 ngo yiyemeze "impinduka ziboneka" cyangwa se ibure byombi miliyoni z’amadorari n’ubunyamuryango bwa leta ya Amerika.

Ejo kuwa mbere, mbere y’iyi baruwa perezida Trump yari yise iri shami rya ONU "igikinisho cy’Ubushinwa".

Trump anenga imikorere ya OMS mu kurwanya coronavirus, ashinja Ubushinwa kubeshya imibare n’amakuru kuri iki cyorezo na OMS ikicecekera.

Ejo kuwa mbere, nyuma y’igitutu, Dr Tedros Ghebreyesus ukuriye OMS yashimye raporo yerekana uburyo OMS yahanganye n’iki cyorezo.

Perezida Trump nawe anengwa kudafata ingamba zikwiriye mu kurinda Amerika hakiri kare, ubu Covid-19 yanduye abarenga miliyoni 1,5 inica abarenga 90,000 muri Amerika.

Iyo baruwa ivuga iki?

Perezida Trump yatangaje iyo baruwa kuri Twitter mu ijoro ryo kuwa mbere, nyuma y’umunsi waranzwe n’abategetsi ba Amerika banenze cyane OMS.

Ejo kuwa mbere, mu nama ya ONU yiga ku buzima ku isi, Alex Azar umunyamabanga wa leta ya Amerika ushinzwe ubuzima, yashinje OMS kureka Covid-19 "ikarenga igaruriro" igahitana "ubuzima bwa benshi".

Mu ibaruwa Trump yandikiye Dr Tedros, arashinja OMS "kubura ubwigenge bikabije" imbere y’Ubushinwa.

Perezida Trump ashinja iri shami kuba "ryarirengagije kenshi" icyo yita "amakuru yizewe" ko iyi virus yatangiye gukwira i Wuhan mu ntangiriro z’ukwa 12 cyangwa na mbere yaho.

Ibindi Trump avuga mu ibaruwa ye:

Perezida Trump yavuze Ko OMS yatinze gutangaza ibihe bidasanzwe kubera igitutu cya Perezida Xi Jinping

Anenga OMS gushimagiza Ubushinwa "gukorera mu mucyo" nyamara ngo hari amakuru yo guhisha no kudakorana n’amahanga.

Ashinja OMS kutagira icyo ivuga ku ivanguramoko rishingiye kuri iyi virus ryavuzwe mu Bushinwa.

Yavuze ko Dr Tedros yari kuba yarakijije "ubuzima bwa benshi" iyo aza gukora nka Dr Harlem Brundtland, wari ukuriye OMS ku gihe cy’icyorezo Sars.

Yanzura, Trump yavuze ko "amakosa menshi" ya Dr Tedros na OMS "yateje akaga gakomeye isi".

Yanditse ati: "Inzira imwe isigaye kuri OMS ni iyo kwerekana ubwigenge bwayo imbere y’Ubushinwa.

Perezida Trump yasabye OMS ngo yiyemeze "impinduka ziboneka" mu minsi 30.

Avuga ko ibyo nibitaba icyemezo cy’agateganyo gihagarika inkunga ya Amerika kuri OMS azakigira burundu kandi anisubireho ku bunyamuryango bwa Amerika muri OMS.

Amerika niyo muterankunga mukuru wa OMS, yatanze hafi 15% by’ingengo y’imari y’iri shami rya ONU mu mwaka w’imari ushize.

Mu nama ya ONU yiga ku buzima ku isi ihuriyemo ibihugu 194, ejo Ubufaransa n’Ubushinwa byemeje kuziba icyuho cy’inkunga Amerika yahagarikiye OMS.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4246 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3207 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7208 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4827 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5795 1

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 8061 4