Kigali
startimes

Perezida Kagame yongeye kugaragara atwaye igare [AMAFOTO]

Imyidagaduro   Yanditswe na: Nsanzimana Ernest 21 October 2018 Yasuwe: 3855

Perezida w’ u Rwanda Paul Kagame kuri uyu wa 21 Ukwakira 2018 yifatanye n’ abanyaKigali muri siporo rusange isigaye iba kabiri mu kwezi mu mihanda itarimo ibinyabiziga bya moteri. Ni ku nshuro ya kabiri agaragaye atwaye igare kuko yaherukaga kugaragara aritwaye ubwo hafatwaga amashusho ya filime mbarankuru ku Rwanda ’Rwanda The Royal tour’



Car Free Day’ ni umunsi ugamije guha umwanya abantu bagakora siporo zitandukanye nta binyabiziga babisikana nabyo mu mihanda, banashishikarizwa kubungabunga ikirere birinda gukoresha ibinyabiziga bicyangiza ari nako bipimisha ngo barebe uko ubuzima bwabo buhagaze cyane cyane mu kwipimisha indwara zitandura. Ikorwa ku cyumweru cya mbere cy’ukwezi n’icya 3 cy’ukwezi.

Kuri iki Cyumweru nibwo umukuru w’igihugu yifatanyije n’abanya Kigali muri iyi Siporo. Hari abandi bayobozi banyuranye barimo na Minisitiri mushya w’ umuco na Siporo Nyirasafari na Minisitiri w’ ubuzima Dr Diane Gashumba.

Mu butumwa Perezida Kagame yagejeje ku bitabiriye iyi siporo yasabye abagore kujya bayitabira.

Yavuze ko iyo umuntu akora siporo hari indwara asezerera zikagenda burundu, anasezeranya abanya Kigali ko uko azajya abona umwanya azajya yitabira iyi siporo.

Gahunda ya Car Free Day yatangijwe mu Mujyi Kigali muri Gicurasi 2016 ari nabwo hari hemejwe ko izajya iba ku cyumweru cya mbere cy’ukwezi. Uko iminsi igenda yicuma niko abitabira iyi gahunda bagenda biyongera ku buryo bugaragarira amaso.

Perezida Kagame amaze kwitabira iyi siporo inshuro 3, ku munsi wa mbere yayitabiriye yasabye ko iyi siporo yakongererwa igihe, maze mu nta ngiriro z’ uyu mwaka wa 2018 abashinzwe kuyitegura batangaza ko izajya iba kabiri mu kwezi aho gukomeza kuba 1 mu kwezi.

Abayitabiriye babishaka bapimwa ku buntu indwara zitandura zirimo umuvuduko w’ amaraso, amaso, amenyo, n’ izindi. Muri iyi siporo kandi haba hari amazi meza yo kunywa n’ imbangukiragutabara yo gufasha uwagira ikibazo cy’ ubuzima.




Hafatwa amashusho ya Rwanda the Royal tour nibwo bwa Mbere Kagame yagaragaye atwaye igare

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Jose Mourinho yishimiye ko abakinnyi be bari bagiye kurwanira mu...

Umutoza wa Tottenham,Jose Mourinho yishimiye ko abakinnye be Heung Min Son...
7 July 2020 Yasuwe: 2810 0

Cassa Mbungo yatangaje ikintu cyamubabaje muri Rayon Sports ayisaba no...

Uwari umutoza wa Rayon Sports,Cassa Mbungo Andre yatangaje ko yababajwe no...
7 July 2020 Yasuwe: 3239 0

Manace Matatu waguzwe na Rayon Sports yahaye isezerano rikomeye...

Umukinnyi Manace Matatu wasinyiye Rayon Sports amasezerano y’imyaka 3...
6 July 2020 Yasuwe: 3505 0

Gasingwa Michel wari ukuriye komisiyo y’abasifuzi yeguye ku mirimo...

Uwahoze ari umusifuzi mpuzamahanga w’Umunyarwanda,Gasingwa Michel, wari...
6 July 2020 Yasuwe: 1258 0

Perezida wa FC Barcelona yakuriye inzira ku murima abifuzaga kujyana Messi...

Perezida w’ikipe ya Barcelona yavuze ko Lionel Messi "azasoreza akazi ke...
6 July 2020 Yasuwe: 1063 0

Zinedine Zidane yatangaje ikintu kiri kumutera umujinya muri iyi minsi Real...

Umutoza w’ikipe ya Real Madrid ,Zinedine Zidane,yatangaje ko amaze...
6 July 2020 Yasuwe: 5221 0