Kigali

Rayon Sports na FERWAFA bafashe umwanzuro ukomeye nyuma y’iminsi baterana amagambo

Imyidagaduro   Yanditswe na: Dusingizimana Remy 11 February 2020 Yasuwe: 21327

Ubuyobozi bw’Ishyirahamwe ry’umupira w’amaguru mu Rwanda [FERWAFA] n’ubwa Rayon Sports bamaze kumvikana ku mwanzuro wo guhagarika guterana amagambo mu binyamakuru nyuma y’iminsi ishize rugeretse ku bayobozi b’impande zombi.



Ikipe ya Rayon Sports yamaze gutanga ubujurire bwayo mu kanama kigenga gashinzwe ubujurire ka FERWAFA ndetse amakuru agera ku Umuryango.rw nuko aka kanama kazumva uruhande rwa Rayon Sports kuwa kane taliki ya 13 Gashyantare 2020.

Ku munsi w’ejo nibwo umuyobozi wa Rayon Sports,Munyakazi Sadate n’umunyamabanga wa FERWAFA,Uwayezu Francois Regis bose batanze ibiganiro kuri Radio 10 buri ruhande rushinja urundi kwica amategeko ndetse bigera naho Sadate asaba ko we n’abayobozi ba FERWAFA bakora ikiganiro mpaka kuri iyi Radio bagaragaza ukuri.

Uku guterana amagambo kwatumye impande zombi ziganira zifata umwanzuro ukomeye wo guhagarika ibyo guterana amagambo mu binyamakuru ahubwo zigomba gutegereza inkiko zigakemura ikibazo zifitanye cyane ko Rayon Sports yamaze gutera indi ntambwe.

Ubwumvikane buke hagati ya Rayon Sports na FERWAFA bwatangiye kuwa 08 Gashyantare 2020 ubwo FERWAFA yafatiraga Rayon Sports ibihano 3 birimo kutazakina igikombe cy’intwari 2021,gutanga amande y’ibihumbi 300 FRW ndetse no kutazigera ikina umukino wa gicuti yaba mu Rwanda no hanze yarwo mu mwaka utaha iyihora kwikura mu gikombe cy’Ubutwari 2020.

Tariki 24 Mutarama 2020, nibwo Rayon Sports yatangaje ko yikuye mu irushanwa ry’Intwari, rihuza amakipe ane yabaye aya mbere muri shampiyona y’ikiciro cya mbere, kubera ko hari ibyo yasabaga FERWAFA guhindura mu mabwiriza y’irushanwa birimo kwemera ko abakinnyi yari yaguze batarabona ibyangombwa bakina iri rushanwa, mu gihe FERWAFA yo yasabaga ko abazakina ari abasanzwe bafite ibyangombwa.

FERWAFA yanze ubu busabe bwa Rayon Sports bituma nyuma y’irushanwa iyihanisha biriya bihano 3 bikomeye bitavuzweho rumwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble badibanga

    nyamara FERWAFA Ishatse yagira ubushishozi,irashaka kuvanga politike na football biraza kuba bibi nyamara,bano bagabo bombi gusa bameze nkabatabwirwa pe,sinzi ibyo bitwaza,knd ni bose bimaze kugaragara

    1 week ago
  • chat_bubble Jacques

    Ese ibi biravuga ko nta muyobozi wa Ferwafa cg wa Rayon ugomba kongera kuvugana n’itangazamakuru avuga ku kibazo kiri hagati yabo cg nasomye nabi?
    Ese umunyamakuru najya gushaka amakuru muri Ferwafa cg muri Rayon bazamwirukana?
    Niba ari ko bemeranije, ku rwanjye ruhande sibyo kuko abanyarwanda baba bakeneye amakuru.

    1 week ago
  • chat_bubble Kabeho

    Ni hahandi FERWAFA nta cyiza yifuriza Rayon sports njye sinjya niyumvisha impamvu, aba bagabo bicaye muri iriya nzu iri iRenera rwose banga Rayon kandi bafata ibyemezo byerekana ko bafite aho babogamiye kurusha guteza imbere umupira wa bose.

    1 week ago

Inzindi nkuru

FERWAFA yemereye Gicumbi FC kongera kwakirira imikino ku kibuga...

Ikipe ya Gicumbi FC yakomorewe na FERWAFA ihabwa uburenganzira bwo kongera...
19 February 2020 Yasuwe: 685 0

Nemanja Matic yaciye ibintu kubera umugati wihariye yahaye umwana we ku...

Umukinnyi Nemanja Matic ukina hagati mu ikipe ya Manchester United...
19 February 2020 Yasuwe: 1987 0

Impinduka zitunguranye ku rugendo rw’ikipe y’igihugu AMAVUBI

Ikipe y’igihugu y’u Rwanda yagombaga guhaguruka uyu munsi yerekeza mu gihugu...
19 February 2020 Yasuwe: 2904 0

Atletico Madrid na Dortmund zatangiye neza 1/16 cy’irangiza cya UEFA...

Ikipe ya Atletico Madrid na Borussia Dortmund zaraye zitwaye neza mu mikino...
19 February 2020 Yasuwe: 1464 1

Umutoza mukuru w’ikipe ya APR FC yishimiye cyane imyitwarire ya ruatahizamu...

Umutoza mukuru w’ikipe ya APR FC, Mohammed Adil Erradi yishimiye cyane...
18 February 2020 Yasuwe: 2944 0

Kevin de Bruyne azahomba akayabo Manchester City nitsindwa igahagarikwa...

Umukinnyi Kevin De Bruyne ufite ubuhanga budasanzwe mu kibuga hagati...
18 February 2020 Yasuwe: 1861 0