Kigali
dnd

Rayon Sports na Police FC zananiwe gusatira APR FC yari yatsikiye

Imyidagaduro   Yanditswe na: Dusingizimana Remy 4 December 2019 Yasuwe: 2593

Mu mukino woroheye abanyezamu cyane,ikipe ya Rayon Sports yanganyije na Police FC 0-0 mu mukino w’umunsi wa 12 wa shampiyona y’u Rwanda wabereye kuri stade ya Kigali.



Uyu mukino wari witezweho kugaragaza ikipe irara isumiriye APR FC yanganyije na Gicumbi FC igitego 1-1,warangiye amakipe yombi ananiwe kwisobanura anganya 0-0.

Rayon Sports yananiwe gukomeza kwihesha icyubahiro imbere ya Police FC idakunze kuyikanga,kuko ba rutahizamu bayo barimo Micheal Sarpong Mugisha Gilbert na Yannick Bizimana bananiwe kubona izamu.

Mu gice cya mbere cy’umukino,Rayon Sports yabonye uburyo bumwe gusa imbere y’izamu bwa Oumar Sidibe butagize icyo butanga mu gihe na Police FC yanyuzagamo igasatira ariko Kimenyi Yves akayibera ibamba.

Mu gice cya kabiri abatoza b’amakipe yombi bagerageje kwinjiza ba rutahizamu ngo barebe ko babona ibitego ariko byarangiye nta mpinduka zibaye.

Ku ruhande rwa Rayon Sports, Mugisha Gilbert yasimbuwe na Bizimana Yannick,Ciza Hussein asimbura Mirafa mu gihe ku ruhande rwa Police FC, Songa Isaie yasimbuye Ndayishimiye Antoine Dominique, Nshuti Dominique Savio wavunitse, asimburwa na Uwimbabazi Jean Paul. Ntirushwa Aime yasimbuye Mico Justin.

Ku munota wa 86,Police FC yabonye uburyo bwa nyabwo bwo kubona igitego,ubwo Ntirushwa Aime yahaga umupira Songa Isaie asigarana n’umuzamu Kimenyi gusa,ntiyabasha gutsinda igitego kuko umupira wahise ukurwa ku murongo na Iradukunda Eric.

Nyuma yo kunganya 0-0,amakipe yombi yakomeje kunganya amanota 25 ku rutonde rwa Shampiyona, aho Rayon Sports izigamye ibitego 11 ku mwanya wa kabiri mu gihe Police FC ifite ibitego icyenda ku mwanya wa gatatu.

Uko indi mikino yabaye kuri uyu wa Gatatu yarangiye:

SC Kiyovu 1-2 Marines FC
Mukura VS 0-1 AS Muhanga
Heroes FC 0-1 Gasogi United
Musanze FC 1-1 AS Kigali
Sunrise FC 2-2 Bugesera FC
Espoir FC 2-3 Etincelles FC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Marine na sc kiyovu x? Ko mutabishyizeho nibyakinnye uy’umunsi????

    1 month ago
  • chat_bubble

    Marine na sc kiyovu x? Ko mutabishyizeho nibyakinnye uy’umunsi????

    1 month ago

Inzindi nkuru

Cristiano Ronaldo yavugishije benshi kubera ibyo yakoranye na...

Rutahizamu wa Juventus,Cristiano Ronaldo,yatumye benshi bacika ururondogoro...
22 January 2020 Yasuwe: 4087 0

Umumotari yafunzwe azira gutega umupolisi akamwambura imbunda...

Umumotari witwa John Njoroge ukomoka muri Kenya yaciye ibintu nyuma y...
22 January 2020 Yasuwe: 3846 0

Mohamed Salah yavuze ku bivugwa ko atumvikana na mugenzi we bakinana Sadio...

Umunya Misiri Mohamed Salah ukina mu ikipe ya Liverpool yavuze ko ibivugwa...
22 January 2020 Yasuwe: 2604 0

KNC yatangaje ibanga rikomeye umutoza Maso yamenye ku mukino wa Rayon...

Umushoramari akaba na nyiri ikipe ya Gasogi United yatangaje ko yafashe...
22 January 2020 Yasuwe: 4064 0

Frank Lampard yabwiye amagambo akomeye abakinnyi be bananiwe gutsinda...

Umutoza wa Chelsea,Frank Lampard yarakariye cyane abakinnyi be bitwaye nabi...
22 January 2020 Yasuwe: 2909 0

Amavubi yisanze mu itsinda rimwe n’amakipe 2 yo muri EAC mu gushaka itike yo...

Amavubi y’u Rwanda yisanze mu itsinda E mu gushaka itike yo kwerekeza mu...
21 January 2020 Yasuwe: 1959 3