Kigali
dnd

Rayon Sports yahawe amahirwe yo kwihimura kuri APR FC mu gikombe cy’intwari

Imyidagaduro   Yanditswe na: Dusingizimana Remy 27 December 2019 Yasuwe: 5569

Ishyirahamwe ry’umupira w’amaguru mu Rwanda ryemeje ko mu rwego rwo kuzirikana intwari z’u Rwanda,amakipe ane yabaye aya mbere muri shampiyona iheruka azacakirana iruhije izindi ihabwe igikombe.



Tariki ya mbere Gashyantare buri mwaka mu Rwanda ni umunsi wahariwe kuzirikana ku Ntwari zitangiye igihugu, ariyo mpamvu hateguwe amarushanwa mu mikino itandukanye mu bagabo n’abagore.

Kuri uyu wa kane ku cyicaro cy’ishyirahamwe ry’umupira w’amaguru mu Rwanda FERWAFA, habaye inama yahuje abayobozi b’amakipe yabaye aya mbere muri shampiyona ishize mu bagabo no mu bagore, igamije kurebera hamwe uko aya makipe azahura muri iyi mikino ya 2020.

Iri rushanwa rya 2020 rizitabirwa na Rayon Sports, APR FC, Police FC na Mukura VS zaje mu myanya 4 ya mbere muri shampiyona iheruka ya 2018/2019 yegukanywe n’ikipe ya Rayon Sports.

APR FC ifite igikombe giheruka izatangira irushanwa icakirana na Mukura VS mu mukino uzaba tariki ya 25 Mutarama, uwo munsi Rayon Sports yabaye i ya 3 umwaka ushize izahura na Police FC kuri Stade i Nyamirambo ari nayo izakira iyi mikino yose.

Mu gihe mu bagore bafata amakipe 2 ya mbere agakina umukino umwe wa nyuma, uhuza amakipe 2 yabaye a ya mbere muri shampiyona iba iheruka.
Tariki ya 28 Mutarama hazaba imikino y’umunsi wa 2, aho Rayon Sports izahura na Mukura VS mu gihe nyuma y’uyu mukino ku I saa 18H00 APR FC izakira ikipe ya Police FC.

Mu bagore, Tariki ya 31 Mutarama i Nyamirambo hazaba imikino 2,irimo uzahuza ikipe ya AS Kigali na Scandinavia ndetse n’umukino uzahuza amakipe 2 y’ingabo azaba yarageze ku mukino wa nyuma w’irushanwa ryabo.

Ikipe izatwara igikombe hagati ya AS Kigali na Scandinavia izahabwa Frw 2,000,000 aherekeje igikombe, naho izatsindwa ku mukino wa nyuma ihabwe Frw 1,000,000.

Mu makipe y’ingabo izatsinda ku mukino wa nyuma izahabwa Frw 1,000,000 n’igikombe mu gihe ikipe izatsindirwa ku mukino wa nyuma izagenerwa Frw 500,000.

Tariki ya 01 Gashyantare ku munsi nyirizina w’intwari hateganyijwe imikino 2, aho ikipe ya Police FC izakira ikipe ya Mukura VS ku is aa 15H00 i Nyamirambo, naho ku is aa 18H00 habe umukino rurangiza uzahuza ikipe ya Rayon Sports na APR FC ku is aa 18H00 nawo ukazabera i Nyamirambo.

Ikipe ya mbere mu bagabo izahabwa Frw 6,000,000 avuye ku Frw 4,000,000 yahawe APR FC umwaka ushize ubwo yatwaraga igikombe, mu gihe ikipe ya 2 izahabwa Frw 3,000,000 avuye ku Frw 2,000,000 ikipe ya AS Kigali yahawe umwaka ushize.

Ikipe ya 3 izahabwa Frw 2,000,000 mu gihe ikipe izaba i ya 4 izacyura Frw 1,000,000.

Iri rushanwa n’ishyirahamwe ry’umupira w’amaguru mu Rwanda ku bufatanye n’urwego rushinzwe Intwari z’Igihugu Imidari n’Impeta by’Ishimwe.

Igikombe cy’Amahoro uyu mwaka cyatwawe na APR FC nyuma yo gutsinda mukeba Rayon Sports igitego 1-0 cyatsinzwe na Dominiue Savio Nshuti ku munota wa 29 w’umukino.


Ingengabihe y’imikino y’igikombe cy’intwari

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble serge

    Mbega byiza. noneho ubutaha hazirukanwa ndeeeeeeeeeeeeeeeeeeeeeeeeeeeeeeeeeeeeeee? Sadate

    3 weeks ago

Inzindi nkuru

Cristiano Ronaldo yavugishije benshi kubera ibyo yakoranye na...

Rutahizamu wa Juventus,Cristiano Ronaldo,yatumye benshi bacika ururondogoro...
22 January 2020 Yasuwe: 4094 0

Umumotari yafunzwe azira gutega umupolisi akamwambura imbunda...

Umumotari witwa John Njoroge ukomoka muri Kenya yaciye ibintu nyuma y...
22 January 2020 Yasuwe: 3853 0

Mohamed Salah yavuze ku bivugwa ko atumvikana na mugenzi we bakinana Sadio...

Umunya Misiri Mohamed Salah ukina mu ikipe ya Liverpool yavuze ko ibivugwa...
22 January 2020 Yasuwe: 2606 0

KNC yatangaje ibanga rikomeye umutoza Maso yamenye ku mukino wa Rayon...

Umushoramari akaba na nyiri ikipe ya Gasogi United yatangaje ko yafashe...
22 January 2020 Yasuwe: 4067 0

Frank Lampard yabwiye amagambo akomeye abakinnyi be bananiwe gutsinda...

Umutoza wa Chelsea,Frank Lampard yarakariye cyane abakinnyi be bitwaye nabi...
22 January 2020 Yasuwe: 2910 0

Amavubi yisanze mu itsinda rimwe n’amakipe 2 yo muri EAC mu gushaka itike yo...

Amavubi y’u Rwanda yisanze mu itsinda E mu gushaka itike yo kwerekeza mu...
21 January 2020 Yasuwe: 1959 3