Kigali
dnd

Robertinho yasingije Kimenyi Yves nyuma yo gusinyira ikipe ya Rayon Sports

Imyidagaduro   Yanditswe na: Dusingizimana Remy 3 July 2019 Yasuwe: 3824

Umutoza Robertinho warangije amasezerano ya Rayon Sports akaba ari kuganira n’ubuyobozi bwayo ngo bayongere,yatangaje ko yishimiye abakinnyi bashya iyi kipe yavuze ko akunda yaguze by’umwihariko umunyezamu Kimenyi Yves yifuje kuva kera.



Mu kiganiro Robertinho yagiranye n’ikinyamakuru IGIHE dukesha iyi nkuru,uyu mutoza uri mu biruhuko iwabo muri Brazil,yavuze ko Rayon Sports yaguze abakinnyi beza azi neza by’umwihariko umunyezamu Kimenyi Yves.

Yagize ati “Nta byinshi navuga ku bakinnyi bose baturutse muri APR FC, kuko sindasinya amasezerano, gusa ndabazi ni abakinnyi beza n’ubwo atari njye wagize uruhare mu igurwa ryabo kuko twahuye kenshi ndabazi neza.

Gusa ndifuza kuvuga ku munyezamu [Kimenyi Yves], urwego rw’uyu musore ruri hejuru, ni umunyezamu wa mbere mu ikipe y’igihugu, ni akazi k’indashyikirwa ubuyobozi bwa Rayon Sports bukoze kuba bumusinyishije kuko twari dukeneye undi munyezamu uri ku rwego nk’urwa Mazimpaka André. Ndabyishimiye cyane kuba uyu musore agiye kwiyongera mu ikipe.’’

Robertinho yahishuye ko we na Ramadhan utoza abanyezamu ba Rayon Sports, bari barasabye ubuyobozi kugura Kimenyi Yves, ariko bagasubizwa ko bigoye kumubona kubera ko yari afitiye amasezerano ya APR FC.

Yagize ati “Muri Mutarama, naganiriye n’umutoza w’abanyezamu Ramadhan [Lemis Ikamba] maze tugeza igitekerezo kuri Visi Perezida [Freddy] ko twagura uyu musore kugira ngo azadufashe kuko urugamba rwo gutwara igikombe cya shampiyona rwari rugeze ahakomeye, maze nawe adusubiza ko bigoye cyane kuba twamukura muri APR FC.’’

Ku byerekeye amasezerano ya Robertinho,Perezida wa Rayon Sports, Muvunyi Paul, yaraye atangarije abanyamakuru ko bakiri mu biganiro nawe ndetse mu minsi ibiri cyangwa itatu ibye bizamenyekana.

Yagize ati" Robertinho turacyari mu biganiro, igihe cyose byarangirira, ejo, ejo bundi yaza. Twifuzaga ko yatoza CECAFA, turategereje ikiri buvemo. Muzabimenyeshwa mu minsi ibiri cyangwa itatu."


Robertinho yishimiye ko Rayon Sports yaguze Kimenyi Yves

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Ndabyishimiye

    July 2019

Inzindi nkuru

Arsene Wenger yavuze ukuntu kuva ku kibuga cy’amateka cya Highbury byagize...

Umutoza Arsene Wenger wamaze imyaka 22 atoza ikipe ya Arsenal yavuze ko...
20 January 2020 Yasuwe: 1256 0

KNC yatangiye guhigura ibyo yari yahigiye abafana ba Gasogi...

Perezida wa Gasogi United, Kakooza Nkuriza Charles ’KNC’ yatangiye guhigura...
20 January 2020 Yasuwe: 2529 0

Aubameyang yagaragaye mu ruhame yambaye umupira ufite agaciro ka miliyoni...

Umukinnyi wa Arsenal,Pierre-Emerick Aubameyang,uri mu bihano by’imikino 3...
20 January 2020 Yasuwe: 4159 0

Kiyovu Sports yasuzuguriye Sunrise I Gologota mu gihe Gasogi United...

Ikipe ya Kiyovu Sports yateye ikirenge mu cya APR FC igaragaza ko stade...
19 January 2020 Yasuwe: 4208 0

Batshuayi amerewe nabi n’umugore yateye inda akamwima indezo y’umwana

Rutahizamu wa Chelsea FC,Mitchy Batshuayi yajyanwe mu nkiko n’uwahoze ari...
19 January 2020 Yasuwe: 2949 2

Mohamed Salah yishongoye kuri Manchester United yabatesheje...

Umunya Misiri Mohamed Salah ukina mu ikipe ya Liverpool yavuze ko ikipe ya...
19 January 2020 Yasuwe: 4584 1