Rutahizamu wa Rayon Sports,Micheal Sarpong yabuze amahitamo kubera amakipe 3 yo mu Bushinwa yose yamubwiye ko amukeneye kugira ngo ayafashe kubona ibitego.

Sponsored Ad

Sarpong werekeje mu Bushinwa kuwa Kane w’iki cyumweru,ari kwifuzwa n’amakipe atandukanye yo muri iki gihugu arimo ayo mu cyiciro cya 2 agera kuri 2 n’indi yo mu cyiciro cya mbere.

Michael Sarpong umaze umwaka n’igice mu ikipe ya Rayon Sports, yayifashije gutwara igikombe cya shampiyona ya 2018/2019 atsinze ibitego 16 wenyine mu mwaka we wa mbere.

Sarpong bivugwa ko yanavuganye n’ikipe yitwa Pacos Ferreira yo muri Portugal, arifuzwa n’aya makipe yo mu Bushinwa ari gutanga amafaranga menshi.

Biramutse bikunze,Sarpong yasinyira imwe mu makipe amwifuza mu cyumweru gitaha aho bivugwa ko azagurwa ibihumbi 500 by’amadolari.