Kigali

Rutanga Eric yafashije Rayon Sports kujya ku mwanya wa kabiri ibabaje cyane umukeba w’ibihe byose

Imyidagaduro   Yanditswe na: Dusingizimana Remy 1 December 2019 Yasuwe: 7194

Ku munota wa nyuma w’umukino,kapiteni wa Rayon Sports Rutanga Eric yashenguye bikomeye imitima y’abakunzi ba Kiyovu Sports abatsinda igitego kibi cyane batazibagirwa cyatandukanyije izi mpande zombi.



Ku mukino w’umunsi wa 11 wa shampiyona,Rayon Sports yari yasuye umukeba wayo w’ibihe byose kuri stade ya Kigali I Nyamirambo birangira iyibabaje ku munota wa nyuma mu minota 05 y’inyongera umusifuzi yari yongeye kuri 90 isanzwe y’umukino.

Nubwo uyu mukino waranzwe no kwigana ku mpande zombi ndetse ba rutahizamu ntibabashe kubyaza umusaruro babonye,Rayon Sports yabyaje umusaruro amahirwe yabonye ku munota wa nyuma w’umukino,ibona igitego kuri coup franc yatewe neza na Rutanga Eric yijyanamo ntawe ukoze ku mupira nyuma y’ikosa yari amaze gukorerwa na Nsanzimfura Keddy.

Mbere y’uyu mukino,abafana ba Kiyovu Sports bari bahise kubabaza Rayon Sports gusa byarangiye Rayon Sports ariyo ibyitwayemo neza ndetse biyifasha kuzamuka ku rutonde rwa shampiyona.



Mu yindi mikino yabaye kuri iki Cyumweru, Sunrise FC yahagamye AS Kigali banganya ibitego 2-2 birimo icya Babuwa Samson cyabonetse umukino ugiye kurangira.

Sunrise niyo yafunguye amazamu ibifashijwemo na Niyibizi Vedaste hanyuma AS Kigali igaruka mu gice cya kabiri yariye karungu ihita itsinda ibitego 2 byikurikiranya ibifashijwemo na Bishira Latif na Essombe Patrick.

Uyu mukino wabonetsemo agashya kuko umusifuzi wo hagati, Ruzindana Nsoro yavuye mu kibuga avunitse, asimburwa na Nshimyumuremyi Abdallah wari uwa kane.



Mu wundi mukino wari witezwe cyane,Police FC yahuriye n’uruva gusenya I Muhanga kuko yahatsindiwe na AS Muhanga igitego 1-0 bituma itakaza umwanya wa kabiri.

APR FC niyo iyoboye shampiyona by’agateganyo n’amanota 27,ikurikiwe na Rayon Sports n’amanota 24 inganya na Police FC ya gatatu batandukanyijwe n’ibitego bazigamye kuko Rayon Sports ifite 11 mu gihe Police FC ifite 9.Mukura VS ni iya 4 na 21.

Uko imikino yabaye kuri iki Cyumweru yagenze:

Marines Fc 0-0 Mukura VS (Stade Umuganda)
AS Muhanga 1-0 Police (Stade Muhanga)
Bugesera FC 2-0 Espoir FC (Stade Bugesera)
AS Kigali 2-2 Sunrise FC (Stade de Kigali)
Kiyivu Sports 0-1Rayon Sports (Stade de Kigali)

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 2588 0

Rutahizamu w’umunyarwanda yatanze ubuhamya bw’ukuntu yakoreshaga...

Rutahizamu w’umunyarwanda wakiniye amakipe atandukanye hano mu Rwanda ari mo...
30 March 2020 Yasuwe: 7708 0

Karim Benzema yibasiye cyane Olivier Giroud bakinannye mu ikipe...

Rutahizamu wa Real Madrid Karim Benzema yibasiye cyane mugenzi we bavuka mu...
30 March 2020 Yasuwe: 3040 0

Rutanga Eric yatangaje impamvu akunze gutsinda ibitego byo mu minota ya...

Umukinnyi akaba na kapiteni wa Rayon Sports,Rutanga Eric, yatangaje ko...
30 March 2020 Yasuwe: 2697 0

Bamwe mu bakinnyi ba FC Barcelona ntibumva ibyo gukatwa 70% by’umushahara...

Kuwa Kane w’iki cyumweru,abakinnyi bose b’ikipe ya FC Barcelona babwiwe ko...
29 March 2020 Yasuwe: 1795 0

Abakinnyi ba Juventus n’umutoza Maurizio Sarri bemeye kumara amezi 4...

Abakinnyi b’ikipe ya Juventus n’umutoza wabo Maurizio Sarri bemeye ko...
29 March 2020 Yasuwe: 719 0