Kigali
dnd

Sadio Mane yatumye benshi bacika ururondogoro kubera Telefoni ishaje yafotowe afashe [AMAFOTO]

Imyidagaduro   Yanditswe na: Dusingizimana Remy 29 December 2019 Yasuwe: 9578

Rutahizamu wa Liverpool,Sadio Mane, uhembwa akayabo k’ibihumbi bikabakaba 200 by’amapawundi,yagaragaye afashe telefoni yamenaguritse ubwo yari aje ku mukino wa shampiyona ya Premier League.



Sadio Mane yabaye inkuru ku mbuga nkoranyambaga kubera iyi telefoni ishaje cyane yaje yitwaje ku mukino wa shampiyona baherutse kunyagiramo Leicester City ibitego 4-0.

Mane ukomoka muri Senegal,n’umwe mu bakinnyi ba Liverpool bakundwa n’abafana ndetse ari no mu bahembwa menshi muri iyi kipe iyoboye Premier League 2019/2020.

Mu minsi ishize Sadio Mane yatangaje ko nta gahunda afite yo gusesagura amafaranga agura imodoka zihenze,amasaha,imitako n’ibindi bitandukanye kuko ngo ashaka gufasha abakene gutera imbere.

Uyu munya Senegal ukunze kugaragara mu bikorwa byo gufasha abaturage bo muri Senegal yabwiye abanyamakuru ko impamvu atajya agura imodoka,amazu n’amasaha ahenze nkuko abarimo Aubameyang,Cristiano Ronaldo babigenza,kubera ko yakuriye mu buzima bubi aba ashaka gufasha abababaye.

Yagize ati “Kuki nagura Ferrarri 20 n’amasaha 20 ya Diamond ahenze cyane?,Ibyo byamarira iki?.Nahuye n’inzara kenshi,nagiye n’amaguru kenshi,narokotse intambara nyinshi,nakinnye umupira kenshi nta nkweto nambaye,ntabwo nize n’ibindi byinshi.Ibyo bagezeho byose ndashimira umupira w’amaguru.

Mfasha abantu,nubatse amashuri,amasitade,twatanze imyenda,inkweto tunagaburira abantu bari bakenye cyane.Buri kwezi ntanga ibihumbi 70 by’amayero ku baturage bakenye cyane muri Senegal.Sinkeneye imodoka zihenze,amazu menshi manini no kuzenguruka isi yose.Ndifuza ko abankomokaho babona bike kubyo umupira wampaye.Ndishimira ibyo mfite.”

Ntabwo Sadio Mane abuze amafaranga yo kugura indi telefoni ariko umuco wo kudasesagura amafaranga ahembwa watumye atayigura.


Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

APR FC na Rayon Sports zigiye kongera zicakirane

Irushanwa ryo guhatanira igikombe cy’Ubutwari rizakinwa n’amakipe ane ya...
21 January 2020 Yasuwe: 2581 0

Jose Mourinho yari agiye kurwana n’umwe mu bakinnyi atoza mu ikipe ya...

Hashize igihe gito umutoza Jose Mourinho agizwe umutoza wa Tottenham ariko...
21 January 2020 Yasuwe: 2852 0

Ikipe ya Kiyovu Sports yafatiwe ibihano bikarishye kubera umutoza Casa...

Ishyirahamwe ry’umupira w’amaguru mu Rwanda ryamaze gufatira ibihano ikipe ya...
21 January 2020 Yasuwe: 1241 0

Rayon Sports yemeje ko nta muntu uzongera kuyiyobora adafite miliyoni 25...

Ikipe ya Rayon Sports yafatiye imyanzuro myinshi mu nama y’inteko rusange...
20 January 2020 Yasuwe: 4882 1

Arsene Wenger yavuze ukuntu kuva ku kibuga cy’amateka cya Highbury byagize...

Umutoza Arsene Wenger wamaze imyaka 22 atoza ikipe ya Arsenal yavuze ko...
20 January 2020 Yasuwe: 2174 0

KNC yatangiye guhigura ibyo yari yahigiye abafana ba Gasogi...

Perezida wa Gasogi United, Kakooza Nkuriza Charles ’KNC’ yatangiye guhigura...
20 January 2020 Yasuwe: 4120 0