Kigali

Tottenham Hotspur yasezereye Manchester City mu mukino warumbutsemo ibitego yiyunga na Liverpool muri ½ cy’irangiza cya UCL

Imyidagaduro   Yanditswe na: Dusingizimana Remy 17 April 2019 Yasuwe: 2555

Ikipe ya Tottenham isezereye Manchester City mu mukino wo kwishyura wa ¼ cya UEFA Champions League wabonetsemo ibitego 7 ku mpande zombi.



Muri uyu mukino w’igitangaza,aya makipe yombi yatangiye yinjizanya ibitego bituma mu minota 11 ibanza y’umukino haboneka ibitego 4 ni ukuvuga 2 kuri buri ruhande.

Manchester City yafunguye amazamu ku munota wa 4 ku gitego cyatsinzwe na Raheem Sterling ku mupira mwiza yahawe na Kevin de Bruyne.

Tottenham yahise yishyura iki gitego ku munota wa 7 gitsinzwe na Heung Min Son,ahita ashyiramo ikindi ku munota wa 10.Bernardo Silva yahise ahindura ibintu ku munota wa 11 w’umukino amakipe yombi ahita anganya ibitego 2-2 mu minota 11 y’umukino.



Manchester City yagiye kuruhuka ihaye icyizere abakinnyi bayo kuko ku munota wa 21 yaje kubona igitego cya 3 gitsinzwe na Raheem Sterling,amakipe ajya kuruhuka City iyoboye ku bitego 3-2.

Manchester City yakinaga neza kurusha Tottenham,yatangiye igice cya kabiri ishaka kubona igitego cya 4, cyayifasha kugera muri ½ cy’irangiza,ibifashwamo na Sergio Kun Aguero ku munota wa 59 w’umukino.

Nubwo Tottenham yarushwaga na Manchester City,yanyuzagamo igasatira byatumye ku munota wa 73 ibona Koloneri yatewe neza na Kieran Trippier,umupira ukubita ku ivi rya rutahizamu Fernando Llorente ujya mu izamu.



Iki gitego cya Llorente cyateje impaka ndende kubera ko byaketswe ko yakoresheje ukuboko agitsinda,bituma hitabazwa VAR yemeje ko ari igitego.

Manchester City yahise ijya mu mibare myinshi yo gushaka igitego cya 5 cyo kuyifasha kubona ikinyuranyo cyane ko yatsinzwe igitego 1-0 mu mukino ubanza irakibura umukino urangira ari 4-3.

Ubwo iminota 90 yari irangiye,umusifuzi yongeyeho iminota 3 yari ikoze kuri Tottenham,kuko ku munota wa 3 Manchester City yamanukanye umupira Aguero wuha Sterling atsinda igitego cya 5,cyanzwe na VAR kubera ko habayemo kurarira.

Mu wundi mukino wabaye kuri uyu wa Gatatu,Liverpool yasanze FC Porto muri Portugal,iyihanyagirira ibitego 4-1 byatsinzwe na Sadio Mane,Mohamed Salah,Roberto Firmino na Virgil Van Dijk mu gihe icy’impozamarira cya Porto cyatsinzwe na Eder Militao.

Liverpool yasezereye Porto iyitsinze ibitego 6-1 mu mikino yombi, kuko ubanza yari yayitsinze 2-0.

Tottenham Hotspurs ikomeje mu buryo butunguranye,igomba guhura na AJAX muri ½ cy’irangiza mu gihe Liverpool izahura na FC Barcelona.Imikino iteganyijwe mu byumweru 2 biri imbere.






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Perezida wa Mukura VS yatanze inkunga ya toni 20 y’ibiribwa mu gufasha...

Umuyobozi wa Volcano Express akaba n’umufatanyabikorwa wa Mukura Vs...
2 April 2020 Yasuwe: 434 0

Arshavin wakiniye Arsenal yibasiye cyane Mesut Ozil

Umurusiya witwa Andrey Arshavin w’imyaka 38 wahoze akinira Arsenal ariko ubu...
1 April 2020 Yasuwe: 2259 0

KBS yahagaritse abakozi bayo amezi 3 kubera igihombo cyatewe na...

Kompanyi itwara abagenzi ya Kigali Bus Service yahagaritse abashoferi bayo...
1 April 2020 Yasuwe: 2947 0

Cesc Fabregas yavuze abatoza babiri yakunze cyane kurusha abandi mu...

Umukinnyi Cesc Fabregas uri gutanga amakuru muri iyi minsi yavuze ko...
1 April 2020 Yasuwe: 2982 0

Juventus yahuye n’ikibazo gishobora gutuma igurisha Cristiano...

Ibinyamakuru byo mu gihugu cy’ubutaliyani bibyutse byandika ko ikipe ya...
31 March 2020 Yasuwe: 4529 0

Lionel Messi yatangaje umukinnyi wa Chelsea aha amahirwe yo kuzayobora isi...

Umukinnyi wa mbere ku isi mu mupira w’amaguru,Lionel Messi yatangaje ko mu...
31 March 2020 Yasuwe: 5189 0