skol
Kigali
startimes

#UBUTWARI Cup 2020:APR FC yigaranzuye Police FC mu gihe Kiyovu Sports yongeye guha isomo rya ruhago Mukura VS

Imyidagaduro   Yanditswe na: Dusingizimana Remy 28 January 2020 Yasuwe: 3877

Benshi mu bakunzi ba ruhago bakomeje kwibaza uzahagarika APR FC itaratsindwa mu marushanwa yose akinirwa mu Rwanda,kuko mu gikombe cy’Intwari yigaranzuye Police FC yakundaga kuyigora iyitsinda igitego 1-0 mu gihe Kiyovu Sports yongeye kugerera Mukura VS mu gatebo yaherukaga kuyigereramo muri shampiyona iyitsinda ibitego 4-2.


Mu mvura nyinshi yaguye cyane kuri uyu wa Kabiri,APR FC ntiyatentebutse ku muhigo wayo wo kuba mpatsamakipe muri uyu mwaka w’imikino,kuko yatsinze Police igitego 1-0 ihita yiyongerera bidashidikanywaho amahirwe yo kwisubiza iki gikombe cy’intwari.

Ku munota wa 53 nibwo akagozi kari gafashe Police FC kacitse itsindwa igitego kitishyurwa na Nshuti Innocent biyitesha amahirwe yo kuba yakwizera kongera gukoza intoki ku kigombe.

Mu mukino wabanjirije uyu,Mukura VS yanyagiwe na APR FC ibitego 3-1 mu mukino wa mbere,yahuye n’uruva gusenya mu wa kabiri kuko yanyagiwe n’urubyiruko rwa Kiyovu Sports ibitego 4-2.

Kiyovu Sports yari yatangiye iki gikombe itsindwa na Police FC ibitego 2-1 ku wa Gatandatu, yatuye umujinya Mukura VS iyitsinda ibitego 4-2 byatsinzwe na Twizeyimana Martin Fabrice watsinze bibiri birimo na penaliti, Saba Robert na Nizeyimana Jean Claude uzwi nka ‘Rutsiro’. ariko nyuma y’iminota

Mukura Victory Sport yatsindiwe na Iradukunda Bertrand wari umaze iminsi mu mvune na Ndizeye Innocent uzwi nka Kigeme.

Mukura VS ikomeje kwandika amateka mabi muri iri rushanwa ry’Intwari, kuko imaze gutsindwa ibitego 7 mu mikino 2 imaze gukina,yinjiza 3.Kiyovu Sports yayitsinze ibitego 8 mu mikino 2 kuko no mu gice kibanza cya shampiyona aribyo yayitsindiye I Huye.

Uko urutonde rw’igikombe cy’intwari ruhagaze:

1. APR FC 6 Pts (+3)
2. Kiyovu Sports 3 Pts (+1)
3. Police FC 3 Pts
4. Mukura VS 0 P (-4)

Uko imikino ya 3 ipanze kuwa 01 Gashyantare2020:

Mukura VS vs Police FC
APR FC vs Kiyovu Sports

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble sembagare peter

    yemwe yemwe courage kabisa,naho ubundi babandi bagize ubwoba ndabona bafite ishingiro

    29 January
  • chat_bubble jpierre

    Ndabemera cyane

    28 January
  • chat_bubble Seth

    AFR FC nza kugwa inyuma yaba mu mvura yaba ku zuba twaranywanye.Ubutwari iteka

    28 January
  • chat_bubble Kakule

    Muri abagaciro basore bacu. Intsinzi & Umurava. Ntimukangwa n’imvura.

    28 January

Inzindi nkuru

Ibaruwa ya RGB yahaye ibyishimo abashyigikiye ko Mvukiyehe Juvenal ayobora...

Urwego rw’igihugu rw’imiyoborere [RGB] rwagiriye inama Kiyovu Sports ko...
25 September 2020 Yasuwe: 2369 0

Messi yibasiye bikomeye abayobozi ba FC Barcelona mu butumwa yatanze...

Kapiteni wa FC Barcelona,Lionel Messi yasezeye kuri mugenzi we bakinanaga...
25 September 2020 Yasuwe: 2642 0

Aubameyang yahishuye impamvu ikomeye yatumye yanga kujya FC Barcelona...

Rutahizamu akaba na kapiteni wa Arsenal, Pierre-Emerick Aubameyang...
25 September 2020 Yasuwe: 1473 0

Mario Balotelli yambitse impeta y’umubano umukobwa bamaranye ukwezi kumwe...

Rutahizamu Mario Balotelli yasabye umukobwa witwa Alessia Messina ko...
25 September 2020 Yasuwe: 3008 0

Bayern Munich yongeye gukora amateka itwara UEFA Super Cup

Ikipe ya Bayern Munich ikomeje kugaragaza ubukaka bwayo mu gutwara ibikombe...
25 September 2020 Yasuwe: 631 0

FERWAFA yasaranganyije amakipe indi nkunga yatanzwe na CAF

Ishyirahamwe ry’umupira w’amaguru mu Rwanda ryagabanyije amakipe atandukanye...
24 September 2020 Yasuwe: 1406 0