skol
Kigali
startimes

Umuherwe wa Chelsea yatanze akayabo ko kugura abakinnyi 3 bakomeye

Imyidagaduro   Yanditswe na: Dusingizimana Remy 22 August 2020 Yasuwe: 3893

Umutoza wa Chelsea,Frank Lampard,yahawe akayabo ka miliyoni 150 z’amapawundi n’umuherwe wa Chelsea,Roman Abramovic, zo kugura abakinnyi 3 bakomeye kandi akeneye barimo Ben Chilwell, Kai Havertz na Declan Rice.


Aba bakinnyi bakiri bato barifuzwa n’umutoza Frank Lampard kugira ngo yubake ikipe ikomeye yamufasha gutwara ibikombe birimo Premier League na UEFA Champions League.

Chelsea yamaze gutanga miliyoni 80 z’amapawundi kuri Timo Werner na Hakim Ziyech,irifuza kongera imbaraga mu ikipe kugira ngo umwaka utaha izave ku mwanya wa 04 yarangijeho muri shampiyona ishize,nibura itware igikombe.

Chilwell, Havertz na Rice bavuzwe cyane ko bashakishwa na Chelsea ariko ibiciro amakipe yabo asaba biri hejuru cyane ariyo mpamvu batahise basinyishwa.

Umuherwe wa Chelsea,Abramovic yahamagaye umuyobozi w’ikipe Marina Granovskaia,amusaba ko yakora ibishoboka byose akagura aba bakinnyi vuba na bwangu.

Nkuko amakuru yatangajwe uyu munsi abitangaza,Chelsea iri hafi gusinyisha myugariro Ben Chilwell wa Leicester City kuri miliyoni 50 z’amapawundi.

Guhera mu kwezi kwa mbere,Chelsea yifuje cyane uyu myugariro w’Umwongereza ariyo mpamvu kuri iyi nshuro ngo igomba kumubona byanga bikunze.

Leicester City yatangiye isaba Chelsea miliyoni 80 z’amapawundi kuri uyu mukinnyi ariko hari ubwumvikane ku buryo mu minsi mike yaba yamaze kugera muri iyi kipe.

Ikipe ya Leverkusen yavuze ko ititeguye kurekura Havertz igihe cyose Chelsea itagejeje kuri miliyoni 90 z’amapawundi gusa iyi kipe yo mu Bwongereza yanze kuyatanga irashaka ko agabanwa.

Ikipe ya Westham irifuza miliyoni 70 kuri Rice w’imyaka 21 ariko Chelsea yayibwiye ko ititeguye kuyatanga kugeza ubwo azaganuka nibura akagera kuri miliyoni 50 z’amapawundi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rayon Sports yatumije inteko rusange izatorerwamo abayobozi...

Ubuyobozi bwa Rayon Sports bwatumiye Inteko rusange kuwa Gatandatu tariki...
22 October 2020 Yasuwe: 1774 0

Cristiano Ronaldo yongeye gusanganwa Covid-19 bituma atazahura na Messi...

Kizigenza Cristiano Ronaldo yongeye gusanganwa Covid-19 ku nshuro ya kabiri...
22 October 2020 Yasuwe: 1054 0

FERWAFA yongereye igihe isoko ryo kugura no kugurisha abakinnyi mu...

Ishyirahamwe ry’umupira w’amaguru mu Rwanda [FERWAFA] ryatangaje ko isoko ryo...
22 October 2020 Yasuwe: 1068 0

Mikel Arteta yavuze ku cyemezo yafashe cyo gukura Ozil mu bakinnyi...

Umutoza wa Arsenal,Mikel Arteta yatunguranye atangaza ko ntacyo umutima we...
22 October 2020 Yasuwe: 2623 0

Zinedine Zidane yakoze agashya nyuma yo gutsindirwa mu rugo na Shakhtar...

Umutoza Zinedine Zidane utamerewe neza muri iyi minsi kubera ukuntu ari...
22 October 2020 Yasuwe: 4964 0

Aaron Wan-Bissaka yatewe indobo n’umukunzi we nyuma yo kubyarana n’undi...

Myugariro wa Manchester United, Aaron Wan-Bissaka,yatewe indobo n’umukunzi...
21 October 2020 Yasuwe: 4328 0