addresiya
Kigali
startimes

Umutoza Seninga Innocent yeguye muri Etincelles FC kubera impamvu zirimo no gushaka kumwambura umushahara

Imyidagaduro   Yanditswe na: Dusingizimana Remy 26 November 2019 Yasuwe: 942

Umutoza wa Etincelles FC yamaze kwandika ibaruwa yo kwegura muri iyi kipe yagezemo kuwa 10 Kamena, 2019 kubera impamvu zitandukanye zirimo kuba abayobozi bayo batarubahirije ibikubiye mu masezerano bagiranye.



Kuri uyu wa Kabiri,Seninga Innocent yandikiye ubuyobozi bwa Etincelles FC ko atishimiye icyemezo cyo gushaka kumukata umushahara w’ukwezi kwa 10 no kuba batarubahirije amasezerano amasezerano bagiranye arimo no kwigurira abakinnyi.

Seninga Innocent watoje Etincelles FC imeze nabi mu mwaka wa w’imikino wa 2015/16 akayifasha kutamanuka mu cyiciro cya kabiri,yasubiye gutoza Etincelles FC tariki ya 10 Kamena ku masezerano y’imyaka ibiri atabashije kurangira kuko yeguye nyuma y’amezi 5 gusa.

Seninga Innocent yeguye kuri iyi mirimo nyuma y’umunsi umwe n’uwari Team manager wa Etincelles FC Harorimana Jean Bosco yeguye ku nshingano ze, nyuma yo gushinjwa n’abakinnyi n’abatoza kubabangamira mu nshingano zabo.

Mu ikipe ya Etincelles FC haravugwamo ibibazo byinshi birimo ikibazo cy’ubukene aho ngo abakinnyi batarahembwa ndetse abandi ngo ntabwo barahabwa amafaranga bemerewe yo kubagura [recrutement].

Amakuru avuga ko Seninga Innocent yahawe na Etincelles FC miriyoni eshatu z’amafaranga y’ u Rwanda (3.000.000) yo kumufasha kwisuganya ubwo yayerekezagamo muri Kamena uyu mwaka ndetse yemererwa umushahara uri hagati y’ibihumbi 800.000 FRW na miliyoni buri kwezi.

Seninga ukundwa n’abafana ba Etincelles FC,asize iyi kipe ku mwanya wa 9 n’amanota 11 gusa yari amaze imikino 3 yikurikiranya atsindwa.

Ikipe ya Etincelles FC yamaze kwemeza ko iyi baruwa ya Seninga bayibonye ndetse umutoza wari umwungirije Abdallah Hategekimana ariwe ugiye kuba ayitoza.


Ibaruwa Seninga Innocent yanditse asezera ku kazi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukunzi wa Cristiano Ronaldo yongeye guca ibintu kubera ifoto yashyize...

Umukunzi wa Cristiano Ronaldo witwa Georgina Rodriguez yongeye gutuma...
30 May 2020 Yasuwe: 5895 4

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3817 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2153 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1901 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3366 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2480 1