skol
Kigali
startimes

Umwe mu baherwe baguze Liverpool FC yakoze impanuka y’indege Imana ikinga ukuboko

Imyidagaduro   Yanditswe na: Dusingizimana Remy 11 December 2019 Yasuwe: 5506

Umuherwe witwa Mike Gordon usanzwe ari perezida w’ikipe ya Liverpool yarokotse impanuka y’indege ubwo yari avuye muri Leta ya Massachusetts atuyemo aje mu nama n’abayobozi b’ikipe ya Liverpool yagombaga kubera mu Bwongereza.


Mike Gordon wari mu ndege yihariye ya The Bombardier BD-700-1A11 Global 6000 jet,yakoze impanuka ubwo yari ageze ku kibuga cy’indege cya John Lennon Airport mu mujyi wa Liverpool saa kumi n’ebyiri za mu gitondo,kuri uyu wa Gatatu.

Uyu mugabo ushimwa n’abafana ba Liverpool kubera ukuntu yayizuye ikaba iri mu zikanganye ku isi,indege yarimo yataye umuhanda ubwo yari igeze ku kibuga cy’indege cya John Lennon,ijya mu byatsi byo ku ruhande.

Abashinzwe ubutabazi bahise bahurura bajya gutabara uyu muherwe n’abantu bari kumwe nyuma y’aho iyi ndege yari imaze guta umuhanda igahita izima.

Yaba uyu muherwe cyangwa abandi bantu 3 bari kumwe muri iyi ndege nta numwe wakomeretse cyangwa ngo agire ikindi kibazo ndetse uyu muherwe yahise akomeza gahunda ze.

Mike Gordon yashimiye abashinzwe ubutabazo ku kibuga cy’indege uburyo bamwitayeho.

Itangazo ryasohowe na Liverpool rigira riti “Mike ameze neza cyane.Nta muntu n’umwe wakomeretse ndetse arashimira abakozi bo ku kibuga cy’indege cya John Lennon ndetse n’abashinzwe ubutabazi bwihuse uko bamutabaye muri iki kibazo.”

Bwana Gordon n’umwe mu banyamigabane bakomeye muri Fenway Sports Group ifite imigabane myinshi mu makipe ya Boston Red Sox na Liverpool.

Uyu mugabo ufite imigabane ingana na 12 ku ijana muri iyi kompanyi y’ubucuruzi,niwe ushinzwe Liverpool by’umwihariko.

Ikibuga cy’indege cya John Lennon cyahise gihagarikwa n’ingendo zirasubikwa nyuma y’iyi mpanuka y’uyu muherwe.

Abashinzwe guterura indege bahise bahamagazwa kugira ngo bayikure muri ibi byatsi byo ku kibuga cy’indege yayobeyemo.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukinnyi wa Liverpool amerewe nabi cyane n’abafana ashinjwa gutsindisha...

Ikipe ya Liverpool ikomeje kujya mu bihe bibi cyane mu mupira w’amaguru yaba...
25 January 2021 Yasuwe: 3145 0

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 2747 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 3007 0

Fenerbahce yatakambiye abafana ngo bayifashe kwishyura Mesut Ozil yemereye...

Ikipe ya Fenerbahce yo muri Turkia yatangiye kuganyira abafana bayo kugira...
25 January 2021 Yasuwe: 3240 0

Abakinnyi 4 n’umuyobozi w’ikipe y’umupira w’amaguru muri Brazil baguye mu...

Abakinnyi 4 b’ikipe yitwa Palmas yo mu cyiciro cya 4 na perezida wayo baguye...
24 January 2021 Yasuwe: 4919 0

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 4370 0