skol
Kigali
startimes

Varane yasubije umuyobozi wa FC Barcelona wibasiye Real Madrid

Imyidagaduro   Yanditswe na: Dusingizimana Remy 11 July 2020 Yasuwe: 2523

Myugariro w’ikipe ya Real Madrid Raphael Varane yabwiye umuyobozi wa FC Barcelona,Josep Bartomeu uherutse kwibasira Real Madrid ko yibirwa n’ikoranabuhanga rifasha abasifuzi [VAR].


Uyu myugariro yabwiye abanyamakuru ko batajya bita ku rusaku rwo hanze y’ikibuga kuko ataribo bakoresha VAR ahubwo bakora akazi kabo.

Ibi uyu myugariro yabitangarije abanyamakuru nyuma y’aho Real Madrid yari imaze gutsinda ikipe ya Alaves bikayiha amahirwe menshi yo kwegukana La Liga cyane ko basabwa gutsinda imikino 2 gusa.

Yagize ati "Urusaku rwo hanze ntacyo rudutwaye.Ikituraje ishinga n’ugutsinda no gutanga ibyo dufite byose mu kibuga.Ntabwo tugenzura VAR ahubwo tuyobora imbaraga n’ubushake dutanga mu kibuga."

Perezida w’ikipe ya FC Barcelona, Josep Maria Bartomeu,yatangaje ko VAR isigaye iri ku ruhande rwa Real Madrid cyane ndetse irimo kuyifasha kwegukana igikombe.

Uyu mugabo yabitangaje nyuma y’aho ikipe ye inyagiye Villarreal ibitego 4-1 ariko ikaba irushwana amanota 4 na Real Madrid hasigaye imikino 4 ngo La Liga 2019/2020 irangire.

Yagize ati “Narebye umukino wabo kuri San Mames kugeza igice cya kabiri kirangiye.Nararakaye cyane kubera ko dufite shampiyona ikomeye ku isi ariko VAR nyuma ya Coronavirus ikaba itarakoresheje ukuri.Yagiye ihindura ibikwiye kuva mu mukino kandi igafasha ikipe imwe.”

Real Madrid isigaje imikino 3 irimo gusura Granada,kwakira Villarreal.Izasoza isura ikipe ya Leganes.

Barcelona isigaje gusura Real Valladolid,kwakira Osasuna.Izasoza shampiyona isura Deportivo Alaves.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FERWAFA yimye Sunrise FC uruhushya rwo gukina amarushanwa yayo kubera stade...

Ishyirahamwe ry’umupira w’amaguru mu Rwanda [FERWAFA] ryatangaje ko mu makipe...
26 November 2020 Yasuwe: 1798 0

Mu mafoto,Iyibutse bimwe mu byaranze ubuzima bwa Diego Maradona wabaye...

Kuvuga ko yari anogeye ijisho kumureba arimo akina, ntabwo bisobanura neza...
26 November 2020 Yasuwe: 1882 0

KNC yatanze ikirego muri RIB asaba ko bagomba guhana uwamuharabitse...

Umuyobozi Mukuru w’Ikipe ya Gasogi United, Kakoza Nkuriza Charles wamamaye...
26 November 2020 Yasuwe: 3130 0

Ndahari 100% ku mukino wa Gor Mahia-Jacques Tuyisenge

Rutahizamu wa APR FC n’ikipe y’igihugu Amavubi, Tuyisenge Jacques yatangaje...
26 November 2020 Yasuwe: 850 0

Diego Maradona wakoze amateka muri ruhago yahitanwe n’umutima

Umunyabigwi Diego Armando Maradona wakoze amateka adasanzwe mu mupira...
25 November 2020 Yasuwe: 1827 0

Jose Mourinho yahaye impano itangaje umukinnyi we wahagaritse Riyad...

Umutoza wa Tottenham,Jose Mourinho,uzwiho kugira udukoryo twinshi,yahaye...
25 November 2020 Yasuwe: 3898 0