skol
Kigali
startimes

Bruce Melodie yagowe no gusubiza Mariya Yohana wamubajije impamvu asigaye aririmba indirimbo zuzuyemo ibishegu

Imyidagaduro   Yanditswe na: Dusingizimana Remy 16 October 2020 Yasuwe: 13445

Umuhanzi Bruce Melodie uhagaze neza kurusha abandi bose bakorera umuziki mu Rwanda muri iki gihe,yananiwe gusubiza ikibazo cy’Umuhanzikazi ufite ubunararibonye mu muziki, Mariya Yohana wamubajije impamvu asigaye aririmba indirimbo zuzuyemo amagambo ashyigikira ubusambanyi azwi nk’ibishegu.



Mu kiganiro cyanyuze kuri Isibo TV, uyu muhanzi yari yasuye Mariya Yohana baganira ku ngingo zitandukanye ndetse babazanya ibibazo by’amatsiko haba ku muziki wabo ndetse n’ibindi bibazo byo mu buzima busanzwe.

Mariya Yohani yabajije Bruce Melodie impamvu asigaye aririmba indirimbo zirimo ibishegu muri iki gihe.

Ati “Indirimbo usigaye uririmba muri iki gihe… zaduteye gusakuza nk’abantu bakuru tuti ese uriya mwana araririmba ibiki, tukifata gutya [yifashe ku munwa nk’umuntu wumiwe], tukayoberwa…. Ngaho mbwira !”

Bruce Melodie wabaye nk’ugowe no gusubiza iki kibazo yabanje kubwira Mariya Yohani ko ziriya ndirimbo yaziretse yagiye mu bindi gusa aza kuvuga ko ikibazo bagira nk’abahanzi b’uyu munsi ari uko badafite abababanjirije benshi bo kureberaho no kwigiraho.

Yagize ati “Ziriya ndirimbo rero […] Ziriya ndirimbo ubundi naranaziretse, nari mfite nkeya nananiwe no guhimba izindi nkazo, ubu rero nagiye mu bindi.

Nyine urumva biranagoye, abantu batubanjirije muri bake cyane kandi namwe uba ubona muri mu zindi nshingano cyane kuruta umuziki, rero ntabwo dufite abantu benshi bo kwigiraho.

Kuba umuhanzi yagwa mu ikosa birashoboka ahubwo kutabimenya nicyo kibazo, naho kugeza ubu namenye ibyo aribyo, narasobanukiwe cyane.”

Mariya Yohani yanasabye Bruce Melodie gukomeza kuririmba indirimbo nziza zirimo amagambo y’urukundo ariko akirinda gukoresha mu mashusho abakobwa bambaye utwenda tugufi cyangwa indi myambaro ishobora kugaragaza ibice by’ibanga ku mibiri yabo.

Umunyamabanga wa Leta muri Minisiteri y’Urubyiruko n’Umuco, Bamporiki Edouard,aherutse gutangaza ko Bruce Melodie ari umwe mu bahanzi bakunzwe mu gihugu ariko arebye nabi ashobora kwisanga abakunzi be bamushizeho mu gihe yaba akomeje kuririmba ibishegu.

Yagize ati”Iyo umuntu ahisemo gutanga ubutumwa bwamamaza ubusambanyi, ubundi ni agahomamunwa. Tuba twagize ibyago. Ubusambanyi rero burahanirwa, mu muco wacu ntitubwamamaza. Sinshobora kuba ndi muri Minisiteri ngo ishyigikire, itere inkunga umuhanzi wamamaza ubusambanyi, nasezera.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Muvunyi

    Mwaramutse,

    Turasaba minisiteri y’urubyiruko gushiraho , equipe yigenzura indirimbo zabahanzi, mbere ko isohoka.
    Bizafasha abahanzi gukorera mu muco.

    Murakoze
    Tel: 0782686020

    1 month ago
  • chat_bubble

    Byo birakabije pe noneho abakobwa Bo akoresha mu ndirimbo bamazeho,ntakubeshye naramukundaga bisigaye binanira no kureba indirimbo ze

    1 month ago

Inzindi nkuru

The Ben yagaragaje byeruye ko ari mu rukundo na Uwicyeza Pamella

Umuhanzi w’icyamamare mu Rwanda,Mugisha Benjamin uzwi cyane nka The...
29 November 2020 Yasuwe: 3298 0

Safi Madiba yagaragaje umwana we ku nshuro ya mbere amwifuriza...

Umuhanzi Safi Madiba wamenyekanye mu itsinda rya Urban Boys ariko ubu akaba...
26 November 2020 Yasuwe: 3325 1

Umuryango wa Nyakwigendera DJ MILLER wiyemeje gushyira hanze album yasize...

Umugore wa Nyakwigendera Kararunga Virgile wamamaye nka DJ Miller, Nigihozo...
24 November 2020 Yasuwe: 600 0

Britney Spears yatsinzwe urubanza rwo kwambura se kumucungira...

Urukiko rwo mur Amerika rwatesheje agaciro ubusabe bw’umuhanzi Britney...
11 November 2020 Yasuwe: 1013 0

Hamwe Festival returns with a focus on mental health and social...

Including artists in the design and implementation of more health programs...
9 November 2020 Yasuwe: 155 0

Impamvu abahanzi b’ibyamamare muri Tanzania birundumuriye mu kwamamaza...

Abasitari mu njyana y’umuziki wa Tanzania uzwi nka "bongo flava" barimo...
26 October 2020 Yasuwe: 2005 0