"Ndagushimira yuko naremwe uburyo buteye ubwoba butangaza,imirimo wakoze ni ibitangaza ibyo umutima wanjye ubizi neza"(zabuli 139:14).

Sponsored Ad

Nshuti ya NEMI,

Waba warigeze ubona ko inshuro nyinshi iyo ubajije umuntu uti:uri nde?
Agusubiza atya:ndi umucuruzi,ndi umuyobozi,ndi umutoza,ndi umwarimu.
Abantu benshi bakura ibibaranga mu byo bakora,ikibazo gitera gutekereza gutyo nuko abantu bisanisha n’ingeso zabo mbi.

Nigeze kumva bamwe bavuga ngo njye ndi umusinzi sinshobora kureka kuzinywa, Oyaa uwo si we uri we ibyo ni ibyo ukora.

Ariko nukomeza gutekereza utyo no kuvuga gutyo bizakugumamo, ku buryo uzumva ko ariko kuri kandi bizakubuza gutera imbere.

Igihe kimwe umuntu yarambwiye ati: Eustache jye ndi umucuruzi w’ibiyobyabwenge, byari bimubangamiye pe. Nubwo yari umucuruzi wabyo ntiyashakaga kuba muri ubwo buzima.

Ndagira ngo nkubwire icyo namusubije kuko ari cyo nshaka kubwira nawe uyu munsi "Ntabwo twaremewe kuba uwo uri kuvuga cyangwa ibindi, ahubwo twaremewe kuba abana b’ Imana."

Tera intambwe yo kwakira Yesu nk’Umwami n’Umukiza wawe uhinduke uwo ugomba kuba, kuko uri Umwana w’Isumbabyose kubw’ amaraso Kristo.

iki ni gihe cyo gutera intambwe ishimishije mu kwinjira mu mugambi w’ Imana kuko tugomba kuwugeraho.

Nk’ Umwizera muri Kristo uri umutwe nturi umurizo,uri umutsinzi.

Uyu munsi fata uwo uri we muri Kristo ntutume igikorwa cyawe gihindura ibikuranga.

Imana ibahe umugisha!

Nibintije Evangelical Ministries International(NEMI)
[email protected]
+14123265034 Whatsapp