Intare y’ingore n’ibibwana byayo 3 zakoze benshi ku mutima ubwo zangaga kurya umumotari n’umuntu yari atwaye kuri moto ubwo bacaga muri pariki rwagati zibamo bagiye guhinga hakurya yayo.

Sponsored Ad

Nkuko byagaragajwe n’amashusho yakwirakwijwe n’Umuhinde witwa Parimal Nathwani ku munsi w’ejo agasakara isi yose,izi nyamaswa z’inkazi 3 zarimo zigendera mu muhanda uri muri pariki ya Gir iherereye mu ntara ya Gujarat mu Burengerazuba bw’Ubuhinde,hanyuma uyu mugabo wari kuri moto ahita ahinguka azibona imbere ye.

Uyu mumotari we na mugenzi we bari bagiye guhinga hakurya ya pariki,banze guhita baca hagati y’izi ntare ahubwo barahagarara gake, ziva mu nzira zirabareka baratambuka zitabishe.

Muri aya mashusho ya Parimal Nathwani yagaragaje iyi ntare y’ingore ivuye mu gihuru cyari hafi y’inzira iri imbere y’utwana twayo.Hashize umwanya,uyu mugabo wari kuri Moto atwaye umugenzi yahise ahinguka ziva mu nzira arakomeza urugendo.

Benshi mu babonye aya mashusho batunguwe n’izi ntare zitishe aba bantu banyuze muri pariki ku manywa y’ihangu gusa abandi banenze uyu mumotari na mugenzi we bashyira ubuzima bwabo mu kaga bagaca muri pariki irimo izi nyamaswa z’inkazi aho bemeje ko ubutaha niziba zishonje zitazabarebera izuba.