skol
Kigali
startimes

Umugore yatwitswe isura na hand sanitiser yafashwe n’umuriro ubwo yari ari gucana Buji

Ubuzima   Yanditswe na: Dusingizimana Remy 5 September 2020 Yasuwe: 3181

Umugore witwa Kate Wise ukomoka ahitwa Austin muri Leta ya Texas muri USA yatwitswe n’umuti wica mikorobe bakaraba mu ntoki [hand sanitiser] isura yose irashya ubwo yarimo agerageza gucana buji.


Uyu mubyeyi w’abana 3 yahiye isura,amaboko n’amaguru ubwo yatwikwaga n’uyu muti wica mikorobe bakaraba mu ntoki[hand sanitiser].

Muri iyi minsi abantu basabwa gukaraba intoki kenshi kubera ikwirakwira rya Covid-19,benshi mu banyamerika batunze hand sanitiser nkuko na Kate yari ayitunze.

Uyu muti waje gufatwa n’inkongi y’umuriro ubwo Kate yari arimo gucana Buji,uraturika umutwika umubiri wose.

Uwashyizeho urubuga rwo gufasha Kate yavuze ko Kate yisize hand sanitiser mbere yo gucana iyi buji hanyuma umuriro uhita umutwika arashya n’inzu ifatwa n’inkongi.

Iyi nshuti ya Kate yavuze ko yagiye kuryamisha abana be 3 arangije agaruka muri Salon aje kureba filimi gusa ngo yabanje gucana buji aribwo amaboko yari yasize uyu muti yafashwe n’umuriro wamutwitse cyane.

Uyu mugore yavuze ko ngo yumvise ikintu kimeze nka bombe giturika ubwo yarimo gushya.

Abakobwa be 2 nibo bahise bahamagara abaturanyi bahita bahamagara ubutabazi bwo kugoboka uyu mugore warimo guhira mu nzu.

Nubwo uyu mugore yahiye ngo akibona ko inzu iri gushya yahise agerageza gusohora umwana we w’imyaka 14 ufite ubumuga n’imbwa ye mu nzu.

Uyu mugore arembeye mu bitaro bya Austin muri Amerika aho akeneye kubagwa agashyirwaho isura nshya nyuma yo gushya.

Abana b’uyu mugore ngo bahungabanye ndetse na bimwe mu byo yari atunze byahiye birakongoka bitwitswe n’iyi hand sanitiser.

Kate ari mu bitaro yagize ati "Bitewe na hand sanitiser,natakaje ibintu byose.Ahantu hose ku maboko nari nayisize umuriro urantwika.N’ibintu utakwifuza ko abana bawe bareba."

Kugeza ubu abamushakiye ubufasha bamaze gukusanya miliyoni 6 FRW ndetse bemeje ko iyi nkongi yatejwe na hand sanitiser.

Aba bavuze ko Kate yaguze iyi hand sanitiser mu iduka ryizewe banagira inama abantu bo gushishoza bakamenya ko iyi miti igurwa itabateza ibibazo.


Inzu ya Kate yatwitswe n’umuriro watewe na Hand sanitizer

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bapfukishije imbuto inzitiramibu kugira ngo zitagwa mu rugo rw’umuturanyi...

Uko ibihe bigenda bihinduka niko n’abantu bakomeje kutadasangira ibyo Imana...
19 October 2020 Yasuwe: 2240 1

Umugabo wisize irangi ry’umukara akatamo kabiri ururimi rwe kugira ngo ase...

Umutaliyani witwa Nicolo Saverino, 27 ukomoka ahitwa Aprilia mu Butaliyani...
16 October 2020 Yasuwe: 10597 0

Ghana: Umupasiteri yaciye ibintu kubera gutegeka abakobwa basengera mu...

Umupasiteri wo mu gihugu cya Ghana yaciye ibintu ku mbuga nkoranyambaga...
15 October 2020 Yasuwe: 12885 0

Umusore yaciye ibintu ku isi kubera guterera ivi mu myigaragambyo...

Umusore wo muri Nigeria uzwi ku izina rya Demola yaciye ibintu ku mbuga...
15 October 2020 Yasuwe: 4085 0

Amafoto yaciye ibintu:Reba impamvu yihariye kandi itangaje ituma abagabo...

Byakunze kugaragara ko abagore n’abakobwa aribo basura salon de coiffure...
14 October 2020 Yasuwe: 30568 1

Umugore yaguye gitumo umugabo babyaranye ari gushyingiranwa n’undi mugore...

Umugabo witwa Abraham Muyunda wo mu gihugu cya Zambia yahuye n’ibyago umuntu...
13 October 2020 Yasuwe: 12978 0