Umukinnyi Kevin De Bruyne ufite ubuhanga budasanzwe mu kibuga hagati by’umwihariko mu ikipe akinira ya Manchester City ashobora guhomba akayabo ka miliyoni 2.5 z’amapawundi igihe cyose yatsindwa muri TAS.

Sponsored Ad

Mu minsi ishize nibwo ikipe ya City yahanishijwe kumara imyaka 2 idakina amarushanwa ya UEFA no gutanga miliyoni 30 z’amayero kubera kwica amabwiriza ya Financial Fair Play.

Ikinyamakuru The Sun kivuga ko igihe cyose iyi kipe yatsindwa mu bujurire yatanze mu rukiko rukemura imanza za siporo ruzwi nka TAS,bityo ntibashe kuzakina imikino ya Champions League, Kevin De Bruyne yahomba miliyoni 2 n’igice yiganjemo uduhimbazamusyi yahabwaga ikipe yitwaye neza.

Bivugwa ko de Bruyne ahabwa hagati ya miliyoni 1.25 na miliyoni 1.5 iyo yafashije City kwitabira Champions League ndetse aya mafaranga ashobora kwiyongeraho miliyoni imwe igihe cyose yaba afashije iyi kipe gutwara iki gikombe.

De Bruyne uhembwa ibihumbi 280 by’amapawundi ku cyumweru ari mu bahabwa agahimbazamusyi kenshi iyo Manchester City itwaye ibikombe bitandukanye.